Өлеңдер ✍️

Жасқанып мен жүр едім

Жассың   әлі   деуге де.

Дедің   маған:

– Жүрегім

Сыймай қойды кеудеме!

Жоқты   білмеу,   барды   ұқпау –

Махаббаттың   мінезі.

Ол – аңғырттау,   албырттау,

Дүниеде   бір   өзі!

Санаспайды   санамен,

Түсіне   біл   оны   шын.

Бір-ақ   адам – бар   әлем,

Ең   сұлу   сол – ол   үшін!

Таба   алмайды   сәл   тағат,

Құлақ   аспас   сөзге   онша.

Махаббат   па   ол   махаббат,

Құлақ   болса,   көз   болса?!

Опығы   көп   ойдың   да,

Қиял – алыс,

Сағымды ...

Шырылдатып   қойдым   ба

Сенің   шыбын   жаныңды?!