Эсселер ✍️

«Елімнің жүрегі сен — Астанам!» деп Астана жайлы Алтынай Жорабаева әншіміздің шырқап айтқан әні қандай әдемі десеңізші! Әрбір сөзінде Астанамыздың еліміз үшін маңыздылығын көрсетіп, Астанамыздың мәртебесін асқақтатқан. Осы әннің өзі бүкіл әлемді Астанаға келуге, Астананың көрікті жерлерін тамашалауға үндейтіндей.
«Астанам» — деп қараймын келбетіңе, деп Астана қаласына деген сүйіспеншілігін көрсете білген бұл ән расында да ерекше әуенімен, мәнді де мағыналы сөзімен адамдарды өзіне баурап алары анық. «Біз үшін жәннәт қала жер бетінде» деген сөзі тіптен Астанамыздың абыройын асырып көрсетеді. Шынында да осы ән арқылы адамдардың Астанамызға деген махаббаты оянып, сүйіспеншілігі артты десек қате болмас.
«Жарқырап жайнай берші, сен, Астанам! 
Өзіңе арналады ән дастаным 
Қашан да саған іңкәр менің жаным 
Жастықтың жалауы бол, сен, Астанам! , —
Жастықтың жалауы болған Астанамыз бүгінде әлем елдерін мойындатып, әлем бойынша ең үздік 30 қаланың ішіне енді. Бұл дегеніміз бойын енді тіктеп, тамырын енді жайып, қанат қағып келе жатқан Астанамыз үшін үлкен жетістік деп білем. Солай емес пе?!
Күн өткен сайын Астанамыз көркейіп, Астанаға келушілер саны артып, бас қаламызға деген сүйіспеншіліктері артуда. Қалада халық саны көбейіп, мегаполис қалалар ішіндегі бірегейі. Бас қаламыз Астана әнде айтылғандай расында да еліміздің жүрегі.
Еліміздің жүрегіне айналған бас қаламыздың мәртебесі биік, мерейі үстем болсын!
Жарқырап, жайнай берші, сен Астанам!