Өлеңдер ✍️
Өлеңдер ✍️
04.07.2023
84
Сұрағы көп дүние-ай...
Сұрағы көп дүние-ай,
Жауап іздеп әуремін.
Ылаңы көп дүние-ай,
Сауап іздеп әуремін.
Азабы көп дүние-ай,
Жеңіліңді іздемен.
Ғажабы көп дүние-ай,
Жолдас емес бізбенен.
Ойлы-қырлы дүние-ай,
Ойлы-қырлы ойларым.
Қойны нұрлы дүние-ай,
Тереңіне бойладым.
Бір қиялдан бір қиял,
Мың қиялды жас шағым.
Жаныма тек нұр құяр
Құпияңды ашпадым.
Қызығы көп дүние-ай,
Қайсысына жетесің?! –
Қызылы көп дүние-ай,
Қызығумен өтесің...
Әлеуметтік желілерде бөлісіңіз:
Facebook | VK | WhatsApp | Telegram | Twitter