Өлеңдер ✍️

Көңіл күні – мейірім,

Анашымның жанары.

Ашық-жарқын пейілім,

Жан жарымның қабағы.

Достарымның тілегі,

Пәк күлкісі баламның.

Құрбылардың гүл өңі,

Жарқылдары жанардың.

Көңіл күні –

Ақтарып

Танысқа айтқан сырларым.

Ол – әсем ән,

Шаттанып

Жазған жарқын жырларым.

Бір-біріңе жасаған

Ол – жақсылық, шапағат.

Барлығымыз аңсаған

Ол – мөп-мөлдір махаббат.

Күні бұлтсыз көңілдің,

Ол – дәстүрі бабаның.

Ол – ізеті келіннің,

Ізгілігі ағаның.