Өлеңдер ✍️

Мен кетемін,

Сен кетесің,

Ол да өтер,

Біздер жүрген болмау керек жол бекер!

Өзің салған соқпақ бар ма, не қалды?

Ізсіз күндер інге тығар, сорлы етер!

Өмір – айқас!

Намыс жоқ па, қол көтер!

Түңілдіріп түбімізге сол жетер!

Кер кеткенді жылап тірлік көтеріп,

Тер төккенді өмір күліп тербетер.

Дүние ме?!

Ол адамды пенде етер,

Уақытша, мен – есікте, сенде – төр,

Тірілген жоқ алтынға орап көмілген,

Тар көңілдер, жамылуға жер жетер!

Төріңді, өмір, іздеп келем көңілден,

Өмір сүрген жоқпын ба осы мен бекер?..