Әңгімелер ✍️

- Не болды, неге сонша қорықтыңдар?
⠀
- Сендер, сендер әлгі...
⠀
-Ия, сендер арын таптаған қыздармыз. Сендердің арқаларыңда оқудан қуылып, мына бір тозаққа тап болдық. Алла тағала тілеуімізді қабыл етіп, сендерге өз қателіктеріңді түзеуге мүмкіндік беріп сендерді осында жіберген секілді.
⠀
- Не, не айтып тұрсың?
⠀
Ұлжалғас бөлмеде тұрған ішімдіктің бөтелкесін қабырғаға ұрып сындырды. Үлкендеу сынығын алып, абдырап тұрған жігіттердің біреуінің мойынына жармаса кетті. Гүлдана жүгіре қашып, Ұлжалғастың артына тығылды.
- Қимылдаушы болмаңдар. Әйтпесе осып жіберемін. Өлсем өліп, қамалсам қамалып кетейін. Есесіне мына әлем біреу болса да сендей оңбағаннан тазарып қалады.
⠀
- Жібер, жібер..
⠀
- Жаның тәтті ме? Өлгің келмейді ия. Ендеше сен екеуің бізді мына жерден алып шығасыңдар.
⠀
- Не? Армандаушы болма.
⠀
- Ендеше соңғы тілегіңді айт. Мына табынып жүрген әпкелерің өзінің артын ашпау үшін сенің өлігіңді көзге көрсетпей құртып, жабулы қазан күйінде қалдырса керекті. Мен ештеңеден қорықпаймын. Жоғалтар ештеңем жоқ.
⠀
Ұлжалғас жігіттің мойынындағы шиша сынығын одан әрі тақай түсті. Жаны қиналса керек, жігіт көп күттірмей келісімін берді.
⠀
- Жарайды, жарайды, сендерді алып кетемін. Бірақ қалай? Ол оңайлықпен келісе қоймас.
⠀
- Жаңа ғана қалай бізді сатып алсаң, дәл солай тағы сатып ал.
⠀
- Жо-жоқ, ол аз ақша сұрай қоймас.
⠀
-Ол жағы сенің шаруаң. Қашып құтыламын деп ойлама. Адамнан жасырсаң да Алла бәрін көріп тұр. Біздерді қайта жүздестіргенде Алланың ісі. Өлімнен емес, өлімнен кейінгі өміріңді ойла.
⠀
- Жарайды жарайды. Қазір сөйлесемін.
⠀
- Сен барып келісіп кел. Ал оған дейін мына досың кепілде болсын.
⠀
Ұлжалғас тұтқынындағы жігітті итеріп жіберіп, екіншісіне жармаса кетті. Аңқау ақкөңіл қыздан мұндай қылық шығады деп ешкім ойламаса керек.