Үкім: Шындық. Sunna.kz сайтының ресми youtube каналында "Садуақас қажы Ғылмани" мешітінің наиб имамы Бағзат Ақжол, арнайы жауап берген болатын:

Мейлі ұл немесе қыз болсын балиғат жасына толып, ақыл есі орнында болғаннан кейін, Алла тағала тарапынан құлшылықтар жүктеледі. Сол парыз етілген құлшылықтардың арасына Рамазан айының бір ай оразасы да кіреді. Яғни, балиғат жасына толған ұл немесе қыз болсын ораза ұстаулары парыз болып бекітілген.

Ал балиғат жасын шариғат ғұламалары 12 мен 15 жас аралығы деп бекіткен. Балиғат жасы дегеніміз жігіттің де, қыздың да бойынан көрінетін өзіндік бойжетуі мен ержетуін көрсететін арнайы құбылыс болып табылады.