Өлеңдер ✍️
Өлеңдер ✍️
14.02.2023
657
Қуыспашақ
Есіңдеме балалық бақытты шақ
Тыным таппас балдырған сәбилік сәт
Біздер қуып жүргенде бірімізді
Жеткізбей кеткен екен уақыт шырақ
Жеткізбей келеді әлі армандарым
Келешекке ербеңдеп тарбаңдадым
Білмедім ау уақытпен жақын кетер
Неге мен тез өсуді армандадым
Бірі қашқан дүние бірі қуған
Пенде жоқ ау өмірде таза судан
Кешіре сал, Алла да кешірімді
Не таптың жақыныңа сазарудан
Мен жете алмай келемін адалдыққа
Дүние іздеу абасы надандық па
Жақынға жат болардай қу дүние
Қуыспашақ ақыры қараңдық па
Әлеуметтік желілерде бөлісіңіз:
Facebook | VK | WhatsApp | Telegram | Twitter