Өлеңдер ✍️

сөз – ғаламнан, ғалам – Хақтан жаралған. 
құсни хаттай шимайланған жер беті. 
өмір мəні – қара жүрек, ақ арман, 
əр күн сайын алмасады келбеті. 
пенде дейсің... кімді, нені білмедім, 
ақтау үшін бір ғажайып сөз ол да... 
сезіндің бе мынау ғажап Түн демін, 
сезіндің бе, жүрек соқты ғазалда. 
мұң мен шаттық – жаратылыс ділі ме, 
жан əлемі – барлығыңның елесі. 
керуендеп ой көшетін күніге, 
ішімізге үңілмейміз неге осы?..