Өлеңдер ✍️

мен сенің тəтті қылығыңды сүйем, 
бұрымыңды сүйем өрілген. 
періште сынды ұғымыңды сүйем, 
жылуыңды сүйем төгілген.

мен сенің мөлдір жанарыңды сүйем, 
қабағыңды сүйем сəн кірген. 
ұялшақ, нəзік жамалыңды сүйем,
қадамыңды сүйем əр жүрген. 

мен сенің аппақ алқымыңды сүйем,
әр күніңді сүйем – арайлы.
тіл қатқандағы жарқылыңды сүйем,
қатеңді де сүйем, жарайды... 

ерніңнен сосын еріп мен сүйемін,
еліткен шығарсың Күндейін.
осының бəрін неліктен сүйемін, 
неліктен сүйемін? Білмеймін...