Өлеңдер ✍️

Ұстап, елдің, алға атын,
Қанат жайып, самғайтын.
Айдындағы қос аққу -
Астанам мен Алматым.

Ей, Алматы, асқағым,
Таңырқатып тастадың.
Астанаға кигіздің,
Алтын тәж ғой, бастағың.

Сарыарқаның сауырын,
Мекен еткен бауырың.
Қос жанардың бірі еді,
Ортақ - отан, ауылың.

Жамандықты жасқаған,
Арманға жол бастаған.
Алып батыр сияқты,
Көк тіреген Астанам.

Қарашығым - қос қалам,
Дұшпанға да, досқа да ән.
Қазақстан дейтұғын,
Екеуіңді қосты анаң.

Аймалайды азат күн,
Қалаларым ғажап тым.
Алматы мен Астана -
Қос жанары Қазақтың!