Өлеңдер ✍️

Айналдыра көңілсіздеу, сүреңсіз,

Ағаштар да көрінеді реңсіз.

Айырбастап жаздың жасыл шархатын,

Апырмай, ә...келіп қапты-ау, күрең күз.

Әрлеп, алуан түске бояп маңайды,

Әнтек қана бұлттан Күн-қыз қарайды.

Әне-міне деп жүргенде турап сап,

Ә дегенше "жеп қойыппыз" жаңа айды.

Мөлт еткенде  жапырақтан таңғы мұң,

Моншақ етіп жырға тізіп тағындым.

Маужырайды қалғып-мүлгіп қара ағаш,

Мизамшуақ балқытты ма тамырын?

Қыз-ғұмырдай құстар кетіп барады,

Қанаттарын сүйіп күздің самалы.

Қайырылмастан бара жатқан адымдап,

Қайран уақыт... жүректе ізің қалады.

Адамдарға бағалы...