Өлеңдер ✍️
  14.10.2022
  591

Автор: Қастек Баянбай

Бір үйде төртеу тұрамыз

Бір үйде төртеу тұрамыз:
Өзім,
Ар,
Шындық және Арман.
Аумайды арман баламнан,
Ар - жардан,
Шындық - анамнан.

Қорласам егер баламды,
Жақсылық күтпен жарымнан.
Тәңірі сақтап табынған
Айырылармын арымнан.

Қорласам егер жарымды,
Естірмін сөгіс анамнан.
Төгеді жасын жанардан,
Жаяды шашын ағарған.

Қорласам егер анамды,
Көрмеспін қызық баламнан.
Қарағым қаны қарайған
Алуы мүмкін жағамнан.


  қастек баянбай қастек баянбай өлеңдері ар шындық арман

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сары бояу ᐈ
  Асқабақ ᐈ
  Картоп ᐈ
  Дәрумендер дауасы ᐈ
  Алма ᐈ

Пікір жазу