Өлеңдер ✍️

Адам – пендем, бір сабақ,
Алғың келсе Өлімнен.
Тірлігіңде пұл санап,
Босқа өтпегін өмірден.
Аруақтың көрдегі,
Қалды қандай амалы?
Осыны ойла сен де бір,
Тірлік етіп саналы.
Байлар қайда бұрынғы,
Байлығына сыйынған?
Оларға да бүгінгі,
Бейіттен жер бұйырған.
Ханзадалар қайда асты,
Хан сарайға сыймаған?
Көрге олар да жайғасты,
Құм төсегін жимаған.
Қай жақта жүр шашырап,
Сұлу қыздар – асыл жан?
Олардың да топырақ,
Айдай жүзін жасырған.
Кішік пенен ұлығым,
Теңеседі көмген соң.
Бегі қайсы, құлы кім,
Маңызы жоқ өлген соң.