Өлеңдер ✍️

Мынау жердің бетінде
Мендей сорлы бар ма екен?
Қаңғыған желдің өтінде,
Мендей сорлы бар ма екен?
Румге бардым, Шам бардым,
Жоғарғы елде сандалдым,
Кезіктірмедім ешкімді,
Мендей сорлы бар ма екен?
Ұстазым-ау, дүниеде,
қаңғыбас ешкім болмасын,
Қайғыменен қан жұтқан,
Мендей сорлы бар ма екен?
Жанарына жас толып,
Қаңғыбас зар еңірейді.
Алдынан жұлдыз жанбаған,
Мендей сорлы бар ма екен?
Мен жалғызбын жалғанда,
Өліп, көрге барғанда,
Табам ба көрден бір туыс,
Менен сорлы бар ма екен?
Бір қаңғыбас өлді деп,
Хабар жетер үш күнде,
Жыламас сонда ешкім де,
Мендей сорлы бар ма екен?
Сонда Жүніс не істейсің?
Қала кезіп қаңғисың,
Қысы-жазы қаңғыған
Мендей сорлы бар ма екен?