Өлеңдер ✍️
  03.10.2022
  122

Автор: Ертай Ашықбаев

ЫСТЫҚ ШАҺАР

Еш қыдырғым келмейді,
Не істеген жөн,
не істеген?..
ЫСТЫҚ асфальт терлейді,
ЫСТЫҚ құмнан сескенем.
ЫСТЫҚ гүлге қарадым —
ЫСТЫҚ жұпар аңқиды.
Төбесінде қаланың
ЫСТЫҚ бұлттар қалқиды.
Ұшты,
міне,
торғай да
Қағып ЫСТЫҚ қанатын.
Көлеңке жоқ.
Ол қайда?
Теңіз жоқ біз баратын.
Көндік ЫСТЫҚ арайға,
Жоқ басқа леп,
өзге дем.
...Үйлер маған қарай ма,
ЫСТЫҚ әйнек-көзбенен?


  ыстық шаһар Ертай Ашықбаев Ертай Ашықбаев өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Өкініш ᐈ
  СЕКУНД ᐈ
  МИНУТ ᐈ
  САҒАТ ᐈ
  ТӘУЛІК ᐈ

Пікір жазу