Ашық Вейсел ШАТЫРОҒЛЫ

1894 жылы Сивас қаласының Сарыкышла ауданының Сивриалан ауылында дүниеге келіп, 1973 жылы өмірден өтті. Түріктің ХХ ғасырдағы ең атақты саз шайыры боп есептелінеді.
Жас кезінде шешек ауруынан бір көзі көруден қалса, кейін əкесі сиыр сауып отырған кезде қолындағы таяғының ұшы байқаусызда тиіп кетіп, екінші көзін де ағызып түсіреді. Сөйтіп Вейсел балалық шағында-ақ зағип болып қалады.
Жетпіс жылдық өмірін қараңғылықта өткізген Ашық Вейсел сазымен, өлеңдерімен халықтың жадында мəңгілік өшпес із қалдырды.