Қазақстанның алтын-валюта қоры 90 млрд АҚШ долларынан асып түсті.

Бұл туралы бүгін "Еуразия ХХІ ғасырда: Жаңару арқылы жетекшілік" тақырыбында дамушы нарықтардың екінші Еуразиялық форумында ҚР Президенті Нұрсұлтан Назарбаев айтты.

"Бүгінгі таңда біздің алтын-валюта қорымыз, ұлттық қорды қоса алғанда, 90 млрд. доллардан немесе елдің жалпы ішкі өнімінің 30 пайызынан асып түсті", - деді ҚР Президенті.

Мемлекет басшысының атап өтуінше, Қазақстан еуразиялық кеңістікте инвестициялық бизнес ахуал бойынша көшбасшылық орында.

Сонымен қатар Елбасы Қазақстанның жоспарлы экономикадан нарықтық экономикаға көшу бағытында шұғыл реформа жасағанын атап өте келе: "Қысқа уақыттың ішінде сәйкесінше заңдар қабылдап, инвесторлардың сеніміне ие болды және шамамен 200 млрд АҚШ доллары көлемінде тікелей инвестиция тарта алды", - деді.

Қазақстан Республикасының Ұлттық Банкі ұлттық валютаны АҚШ долларынан, еуродан және Ресей рублінен тұратын мультивалюталық қоржынға байланыстыру тетігін пайдалануға көшеді, деп хабарлайды BNews.kz .

ҚР Ұлттық банкінің төрағасы Г.Марченконың мәлімдемесіне сілтеме жасап. Қазақстан Республикасының Ұлттық Банкі 2011 жылғы ақпаннан бастап теңгенің басқарылатын өзгермелі айырбастау бағамы режимінің шеңберінде валюта саясатын жүргізіп келеді.

Осы режим Ұлттық Банктің валюталық сауда-саттыққа тек айырбастау бағамы динамикасының нарықтық алғышарттармен берілетін жалпы трендін қалыптастыруға әсер етпей, айырбастау бағамының күрт өзгеруін реттеу мақсатында ғана қатысуын болжайды.

Айырбастау бағамының саясатын жүргізу кезінде Қазақстан Республикасының Ұлттық Банкі теңгенің АҚШ долларына қатысты айырбастау бағамының динамикасына әсер етеді. Сонымен қатар Қазақстан Республикасының интеграциялық процестерін, негізгі сауда әріптестермен сауда және сыртқы экономикалық.....