Алайда-дүлей ашулы батыр өткендей,

Түнеріп аспан жып-жылы нөсер төккендей.

Қыс бойы ұйықтап, уақыты келді оянар

Тіршілік үшін керемет кез жоқ Көктемдей!....

Көктем келді өлкеме,

Табиғатым тамаша.

Гүл қаптады бөктерді,

Нұрға толды айнала.

Көктем келді жеріме,

Бақ әкелсін еліме.

Күн күлімдеп көгімде,

Шуақ шашсын төгіле.

Алақай, көктем келді!

Күннің нұры шашылды.

Қарлар еріп бастады,

Айнала су боп басады.

Жылы жақтан құс келді,

Балалар ойнауға шықты.

Көктем күні әдемі,

Жерде гүлдер өскенде.

Көктем күні әдемі,

Жерде шөптер өскенде.

Көктем күні шуақты,

Гүлдер, шөптер қуатты.

Ешкі, төлдер туады,

Барлық бала қуанды.

Бақшаларға гүл егіп,

Жемістерді тереміз.

Дала жасыл түске еніп,

Көктем мезгілі келіпті.

Кіріп келді қыс айы,

Көп күттік бұл айды.

Қыста жауар аппақ қар,

Ұшар шанада балалар.

Аспан аппақ жер тайғақ,

Жауар тағы қар аппақ.

Қыс келді міне өмірге,
Жаңа жылменен бірге.
Жаңа жылдың қызықтары,
Сыйлық әкелді бізге!

Көктем келді,күн шығып,
Айлар,күндер тұр күліп.
Тура анам секілді,
Мейрімді боп тұр күліп.

Жаз келіп жадырап,
Балалар ойнайды.
Далада асыр сап,
Ойынға тоймайды.

Көк шығып айнала,
Құлпырып гүлдермен,
Жер жүзі жайнайды,
Құстар кеп сайрайды.