Нұрасыл есімінің мағынасы – "нұр" мен "асыл" сөздерінің қосындысы. Асыл – араб тілінен алынған әсил – 1) негіз, түбір, түп нұсқа; 2) шынайы, нағыз; 3) қымбатты, ардақты.

Ислам есімінің мағынасы – түп-тамыры "салима", "юслиму", "ислам" яғни, бейбітшілік, аманшылық деген сөздерден бастау алады, ол Алла тағаланың "әс-Сәләм"  деген көркем есімімен сабақтас. Ал шариғаттағы мағынасы – толық мойынсыну, Алланың алдында парыздарды орындау, одан басқа жалған құдайларға табынбау. 

Нұрислам есімінің мағынасы – "нұр" мен "ислам" сөздерінен құралған. Араб тілінде нұр – жарық, сәуле, ал "ислам" дініміз болғандықтан, Алланың нұры жаусын деген ниетпен қойған. 

Расул есімінің мағынасы, араб тілінен – 1) хабаршы. 2) елші, уәкіл.

Дамир есімінің мағынасы — түрік тілінде темірді осылай атайды. Мұндай есім қойғандағы ниет "темірдей мықты болсын" дегеннен туса керек. Тағы бір мағынасы – ар, ождан. Дамир есімді азаматтар іскер келеді, ерік-жігері мықты. Жақтастары көп. 

Диас есімінің мағынасы – испан тілінен – күн, күндіз. Испания көтерілісшілерінің көрнекті басшысы Хосе Диас құрметіне 1936 жылы қойылған есім.

Әмина есімінің мағынасы – араб тілінен – 1) адал, сенімді; 2) зиянсыз, сәтті, игілікті.

Айсұлтан есімінің мағынасы –  "ай" мен "сұлтан" сөздерінен жасалған есім, сәби айдай болсын, өз ортасында сұлтандай қадірлі болсын деген ниетпен қойылады. Сұлтан араб тілінен – "билеуші, әкім".  

Халқымыз жаңа туған нәрестеге ат қою дәстүріне ерте заманнан үлкен жауапкершілікпен қараған. Кез келген ата-ана баласына мағынасы дұрыс, көркем ат қоюға тырысады. Баланың есімі болашағына әсер етеді дегенге сенетіндер де жоқ емес. Жақында ғана көпбалалы әке атанған "МузАРТ" тобының солисі Кенжебек Жанәбілов те ұлына Әлиби деген ерекше есім берген.  

 Ислам діні балаға мағынасы дұрыс, естір құлаққа жағымды, көркем ат қоюға шақырады. Сондықтан балаға есім беру – аса жауапкершілікті іс. Тіпті, Ибн Аббас (оған Алла разы болсын) айтқандай, баланың әкесіндегі үш хақысының бірі саналады.
Жақсы есім – баланың болмысына, тұлға болып қалыптасуына тікелей әсер етеді. Оған өзінің есімінің артықшылықтарын айтып, өзімен аттас тұлғалардың өмірі, жеке қасиеттері туралы жиі айтып.....