Жеке қауіпсіздік сабағы 4 сынып

№ 1«ШҰҒЫЛ ҚЫЗМЕТ НӨМІРЛЕРІ»

Сабақтың мақсаты: арнаулы қызмет туралы білімдерін кеңейту. Қажет болған жағдайда алғашқы көмек көрсету әрекетін үйрету.

Сабақ барысы

Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

Мақсат қою. Тақырыпты анықтау

•  Өмірде кездейсоқ жағдайлар болып тұрады. Ол күтпеген жерден келеді. Оған дайын болмасаң, не істеу керектігін білмесең, үлкен қасіретке соқтыруы мүмкін. ТЖ – төтенше жағдай, бұл тіркесті қалай түсінесіздер? (Балалардың жауабы: өрт, газдың атылуы, төбелес, ұрылар, жарақат алу т.б.).
•  Әр жағдайда қандай әрекет жасау керек?

 Адамға көмекке көрсету. Сол әрекетті зиян тигізбей қалай дұрыс жасау керек? Құтқару қызметі жұмыс істейді. Зардап шеккен адамдарға көмек көрсету керек.

•  Кім тапты, ол қандай қызмет? Құтқару қызметінің машиналары қандай болады?

3. Білімді өзектендіру. Өткенді қайталау

 Суреттерден «Құтқару қызметінің түрін анықта, құтқару қызметінің нөмірлерін айт».

 - Ортақ құтқару қызметінің нөмірін айт. – «Есте сақта!»

Кез келген қауіпті жағдайдан құтқаратын ортақ телефон нөмірі – 111. Бұл

нөмірге хабарласу арқылы барлық қауіпті жағдай бойынша көмек ала аласыз. Төтенше жағдай кезінде бастысы, сабыр сақтап, диспетчерге болған жағдайды дұрыстап түсінікті жеткізу қажет.

4. Негізгі бөлім

 - Өмірде жалғыздан-жалғыз қиын жағдайда қалып қоятын кездерде барлығын өзің жеңіп шығуың керек болады. Егер сен құтқару қызметтерінің нөмірлерін білсең, өзіңе де айналаңдағы басқа адамдарға да көмектесе аласың. Ендеше нөмірлерді жазып ал!

 Жағдаяттарды талқылау. Үйде сен бір өзіңсің. Кенет түтіннің иісін сездің. Келесі бөлмеге барсаң, өрт шығып жатыр. Сенің әрекетің.....

 Спорттық алаңда балалар ойнап жүр. Араларында ересек адам жоқ. Ұлдардың біреуі құлап қалды. Ол қатты айқайлап жылап тұр. Баланың ауруы қатты ұлғая бастады. Сенің әрекетіңіз...

 Сен мектептен үйге келдің. Ата-анаң жұмыста, қарындасың балабақшада. Ал үйден жағымсыз иіс шығып тұр. Газдың иісіне ұқсайды, сен не істейсің …

 Үйде жалғыз қалдың, сенің ішің пысып кетті. Сен қалжыңмен өрт қызметіне телефон соғып, көрші үйде өрт болып жатқандығын хабарладың. Терезеге жақындап өрт қызметінің машинасын күтіп тұрсың. Осы оқиғаны аяқта .....

• Бекіту. Өзіндік жұмыс

 Тапсырманы орында. Суреттің астына мына құралдар қай құтқару қызметіне қажет болатынын жаз:

• Қорытынды. Рефлексия:

Мен білемін …

 Мен ешқашан жасамаймын … Мен енді әр уақытта біліп жүремін … Пайдалы сілтеме: https://www.youtube.com/watch?v=fyfkEuHSiIc&list=PLA5eCSY2FeoQLLocS- IEuEG9KjOrJzvPM&index=5

№ 2«ТӨТЕНШЕ ЖАҒДАЙ ОРЫН АЛҒАН КЕЗДЕ ТӨТЕНШЕ ҚЫЗМЕТКЕ ҚОҢЫРАУ СОҒУ СКРИПТЕРІ»

Сабақтың мақсаты: төтенше қызметі туралы білімдерін кеңейту және қажет болған жағдайда арнаулы қызметке шақыру әрекетін үйрету. Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

2. Мақсат қою. Тақырыпты анықтау

- Бүгінгі сабақты тест сұрақтарынан бастаймыз.

Қызмет телефоны нөмірлерінің дұрыс ретін анықта: «Газ қызметі»,

«Жедел жәрдем», «Өрт қызметі», «Полиция»:

А) 104, 103, 101, 102,111 В) 104, 101, 103, 102,111

Б) 101, 103, 104,102, 111 Г) 104, 103, 102, 101,111

3.Білімді өзектендіру. Өткенді қайталау

 Төтенше жағдай кезінде шұғыл қызметті қалай дұрыс шақыру керектігін, телефон болмаса көмектесе алатын адамды табуды, қиындық туған жағдайды өзін қалай ұстау керектігі туралы білеміз.

«Есте сақта!»

4. Негізгі бөлім.

 Жалғыздан-жалғыз қиын жағдайда қалып қоятын кездерде, барлығын өзің жеңіп шығуың керек болады. Егер сен құтқару қызметтерінің нөмірлерін білсең, өзіңе де айналаңдағы басқа адамдарға да көмектес. Скрипт – бұл телефонмен сөйлесудің нақты скриптері, әрекет жоспары.

 Қызмет нөміріне хабарласып, диспетчер сұрақтарына дұрыс және нақты жауап беру керек.

«Әрекет жоспарын құр. Скрипт» ойыны. Топтық жұмыс

•  Диспетчерге берілетін жауап алгоритмін анықтап алыңыз және пікіріңізді дәлелдеңіз. (Балалар әрекет ету карталарын алып, оны ретімен орналастырады). Әрекет ретін анықтаңыз:

5.Бекіту. Өзіндік жұмыс

•  Көмекші сөздерді пайдаланып сөйлемді толықтыр.

1. Өз сақта.

2.Өз мен тәжірибеңді толықтыр.

• Қателіктеріңнен шығар.
• Зейініңді, және зеректігіңді дамыту керек.

• орында және сақта.

Тірек сөздер: қорытынды, қауіпсіздік, қауіпсіздік ережесі, байқағыштығың, білімі, нұсқаулық.

• Қорытынды. Рефлексия

Құтқару қызметтерінің нөмірлері жазылған карточкалар беріледі. Менің тапсырмама лайықты карточканы көтеріңіздер:

Өртен қорғау үшін сіздер осы нөмірге _____ хабарласыңдар.

Егер жағдайды шешуге полиция араласу керек болса ....

Егер жағдайды шешуге жедел жәрдем қызметі араласу керек болса ....

Егер жағдайды шешуге авариялық газ қызметі араласу керек болса ....

 Егер жағдайды шешуге бірыңғай құтқару қызметі араласу керек болса .... Пайдалы сілтеме: https://www.youtube.com/watch?v=fyfkEuHSiIc&list=PLA5eCSY2FeoQLLocS- IEuEG9KjOrJzvPM&index=5

№ 3«ҚҰПИЯ СӨЗ – СІЗДІҢ ОТБАСЫЛЫҚ ПАРОЛІҢІЗ»

 Сабақтың мақсаты: үйде және көшеде кездесетін қауіпті жағдайлар туралы түсінік қалыптастыру, осы жағдайда қалай әрекет жасау керектігін үйрету.

Сабақ барысы

1. Ұйымдастыру. Тақырыпты анықтау

Бүгінгі сабақта біз үйде және көшеде өзімізді қалай ұстау керек ережелері туралы айтамыз .

Мақсат қою. Тақырыпты айқындау

 Біз өмір сүріп жатқан әлем өте қызықты. Ол ғажайыптарға толы. Күн сайын әртүрлі кездейсоқ оқиғаларға тап боламыз. Өмір күтпеген оқиғаларға толы. Олар жағымды да және жағымсыз да болады. Күтпеген жерден біздің өмірімізге қауіп тудыратын жағдайлар да кездеседі. Қайғылы оқиғаны болдырмау үшін жағдайды тез түсініп, дұрыс шешім қабылдай білуіміз қажет.

Білімді өзектендіру. Өтілгенді қайталау

•  Үйде қандай қауіптер бар? (Балалар үйде оларға не қауіп төндіретінін тізімдейді)
•  Ал бізді көшеде қандай қауіптер күтіп тұр? (Балалардың жауаптары)

2.Негізгі бөлім

•  Үйде бізге қандай қауіп төнуі мүмкін?

(Балалар қорқыныш тудыратын жағдайларды айтады).

•  Ал көшеде қандай қауіп төнуі мүмкін? (Балалардың жауаптары) - Қауіп төндіретін адамдарды қалай атайды? (Қылмыскерлер, алаяқтар).
•  Сондай адамдар қандай қауіп төндіруі мүмкін (Балалар жауап береді).
•  Өте дұрыс, олар адам өлтіруі балаларды ұрлап кетуі үйді тонауы т.б.

көптеген жағдайларды жасауы мүмкін. Осындай жамандықтан құтылу үшін мына ережелерді есте сақтаңыздар: Бүгінгі сабақта біз осылар туралы біліп алайық!

 1-ереже. Есікті танымайтын адам түртсе не қоңырау соқса, ашуға бола ма? (Балалардың жауаптары: Жоқ, ашуға болмайды, анамызға, не әкемізге қоңырау соғып хабарласу керек, полицияға да хабарлауға болады). Ешкімге есікті ашуға болмайды! Себебі қылмыскер киімді ауыстырып киіп алуы мүмкін. -Ал қылмыскер есікті бұзғысы келсе, не істейміз ? (Балалардың жауабы:

ата-анамызға қоңырау соғамыз).

•  Телефон жоқ болса ше? (Балалардың жауаптары)
•  Дұрыс, балконнан немесе терезеден қатты айқайлап көмекке шақырамыз. «Телефонмен сөйлесу» ойыны: - Сәлеметсіз бе! Мен қайда түстім? - …
•  Бұл кімнің пәтері? - …
•  Сенің есімің кім?
•  …
•  Әке-шешең үйде ме?
•  …
•  Сен үйде жалғыз отырсың ба?
•  … - Танымайтын адамның барлық сұрақтарына «Жоқ» деп жауап беріңіздер. «Ата-анаң үйде ме» деген сұраққа «Үйде, бірақ олардың қолдары бос емес, телефонға жауап бере алмайды» деп жауап қайтарыңыз.

2-ереже. Сен көшеде ойнап жүргенде күтпеген жерден бейтаныс адам машинасына мінгізіп аралатып келуді ұсынды. Сен қалай жауап бересің?

(Еш уақытта келіспеймін. Бейтаныс адамның көлігіне мінуге болмайды).

•  Жарайсыздар. Өте дұрыс жауап бердіңіздер.

 3-ереже. Сабақтан соң мектептен шығасың. Саған бейтаныс кісі келіп анаңның досымын дейді. Анаңның телефон қуаттағышы отырып қалғанын, сені мектептен алып кетуімді өтінді деп, жылы лебізін білдіреді. Сен не істер едің? - Күмәнді адаммен кездесіп қалсаң, не істеу керек?

•  Құпия сөз деген не?
•  Ата- аналарыңмен бірге бір сөз ойлап табыңыздар – ол сөзді тек сендер, яғни ата-анаң мен өзің ғана білулерің керек. Қауіп төнгенде бұл сөз сіздің өміріңізді сақтап қалуы, жағымсыз байланыстан құтқаруы мүмкін. Міндетті түрде бір сөзден емес, тұтас сөйлем болса да жақсы.
•  Сіз қонаққа бардыңыз. Сізге қауіпті жағдай төніп тұр. Бұл жағдайда анаңыз алып кетуі үшін құпия сөз жазасыз немесе айтасыз. Құпия сөз смайл түрінде болуы да мүмкін. Анаңыз түсініп, сізді алып кете қояды.

 4-ереже. Еш уақытта бейтаныс адамның көлігіне отырма, барайық деген жеріне барушы болма, бейтаныс адамды өзіңе 2 метрден жақын жолатпа, егер ол жақындайтын болса, айғайлап, көмекке шақыр, құпия сөзді айтуын сұра.

Білімді тексеру.

•  Ребусты шешіп, бүгінгі сабаққа қатысты тірек сөзді табыңыздар. Біздің тақырыбымызға сәйкестігін дәлелдеңіздер.

» » » »

»»»»

(Құпия сөз)

• • Бекіту. Өзіндік жұмыс
•  Алдарыңыздағы қағазда сөйлемдер берілген, тиісті жерінде болымды етістіктерді, болымсыз етістікке айналдырып жазыңыздар.
  • Бейтаныс адамдардың машинасына отыруға болады...
  • Танитын адамдармен амандас...
  • Көшеде бейтаныс адаммен сөйлес..
  • Күмәнді жағдайды сезгенде құпия сөзді айтуын сұра. ..
  • Танымайтын қонаққа есік аш....
  • Қорытынды. Рефлексия Пайдалы сілтеме:

https://youtu.be/8rz3wsHhc0Y?si=rPqFZQQiq3UWV8Z

№ 4 САБАҚ. «КӨШЕДЕ ҚАҢҒЫБАС ИТТІ КЕЗДЕСТІРУ»

 Сабақтың мақсаты: көше ит кездескен жағдайда қалай әрекет жасау керектігін үйрету.

Сабақ барысы

Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин). Мақсат қою. Тақырыпты анықтау.

-Жұмбақты шешіп сабақта не туралы айтылатынын анықтайды. Білімді жаңғырту. Өткенді қайталау https://www.youtube.com/watch?v=GggchmwkYFs

Ит – адамның жақын досы. Олар иесіне өте адал қызмет етеді.

Балаларды жақсы көреді. Шаруашылыққа көмектеседі – малды, үйді күзетеді. Өздеріңіз видеодан көргендей, олардың жақсы қасиеттері көп. Алайда, өкінішке қарай, адам өміріне қауіп төндіретін кездері де болады.

 Балалар, суретке қараңыздаршы, бұл иттердің біз әңгімелеген иттерден қандай айырмашылығы бар?

Балалардың жауабы. (Көше иттері)

Сабақтың негізгі бөлімі

•  Иттер асыранды және тастанды болады. Адамдар итті асырап алады, күтіп баптайды, тамақтандырады, ойнатады. Күндердің бір күнінде одан жалығып, оны бостандыққа, орманға апарып тастайды. Ал ит болса, өздігінен қорек таба алмай, ашығып, ызаланады. Содан өзі сияқты иттерге қосылып, үйірленіп жүреді. Олар аш, әрі ызалы болады. Көше иттері аса қауіпті.
•  Есте сақта! Тіпті ең момын жақсы иттің өзі қауіпті.

 Ал енді ойлаңыздаршы, көшедегі итті үйдің асыранды итінен қалай ажыратуға болады? (Балалардың жауабы)

Асыранды иттің күтімі бар, тамағы тоқ болады.

Соңғы кезде көше иттер көбейіп кетті. Оған кім кінәлі деп ойлайсыздар?

(Балалардың жауаптары)

Топтық жұмыс. «Пікірлер себеті»

•  «Ит шабуыл жасағанда не істеу керек? Ит тістеп алса не істеу керек?» деген сұрақтарға жауап бер. «ЕСТЕ САҚТА!»

Ит (тістеп) алса не істеу керек?

• Қауып алған (тістеген) жерді сабындап жуу.
• Қанап жатса, бинт не таза сүлгімен матап тастау.
• Ең дұрысы жедел жәрдем шақырту, емханаға бару.
• Құтыруға қарсы иттің екпе алған-алмағаны туралы білу үшін иттің иесін тауып алу. Егер иесі табылмаған жағдайда құтыруға қарсы екпе курсын алу. Бекіту. Өзіндік жұмыс

Қорытынды. Рефлексия

Сөйлемді толықтыр: «Бүгін мен сабақта .....................................білдім».

«Менің қуанғаным .......................................................................…».

ЕСТЕ САҚТА!

 Пайдалы сілтеме: https://www.youtube.com/watch?v=GggchmwkYFs

№ 5 САБАҚ. «БЕЙТАНЫС АДАМҒА КӨМЕК КӨРСЕТУГЕ БОЛА МА?»

 Сабақтың мақсаты: бейтаныс адаммен байланыс кезіндегі қауіпсіздік дағдыларын қалыптастыру.

Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

• Мақсат қою. Тақырыпты анықтау.

 -Тақтаға мұқият қарайық! Бірінші жолдағы сөздің әр үшінші тұрған әрпінен, ал екінші жолдағы сөздің әр екінші әрпінен жаңа сөздер құрастырайық

!

АСБЖҒЕДУЙӘКТГВАШОНҚҰЫЛУС АҚСАДУРІНПАТКІ

Сабақ тақырыбын анықтайық! Бейтаныс адамнан төнетін қауіп.

• Білімді өзектендіру. Өткенді қайталау
• Сабақтың негізгі бөлімі
•  Қандай үлкен адамдардан қауіп төнуі мүмкін?
•  Жағымды түрі, әдемі киімі, жылы жүзіне қарап оны тек жақсы адам деп тануға бола ма?

Топтық жұмыс. Әр топқа тапсырма беріледі.

•  Өкінішке қарай, қылмыскерлер өздерінің зұлымдық мақсаттарына жету үшін түрлі қулыққа барады. Ал біз, байқағыш болуымыз керек!

«ЕСТЕ САҚТА!»

• •  Көшеде бейтаныс адаммен сөйлесуге және оны үйге жіберуге болмайды.
  •  Онымен бірге подъезге кіруге болмайды.
  •  Бөтен машинаға мінуге болмайды.
  •  Бейтаныс адамдардан сыйлық алуға және олармен бірге бір жаққа немесе оның үйіне шақырса, баруға болмайды.

5.Көшеде жалғыз өзің ұзақ жүруге болмайды.

• •  Қорытынды. Рефлексия
•  Пікірдің мағынасын түсіндіріңіздер «Сенің қауіпсіздігің сенің қолыңда!». Пайдалы сілтеме: https://www.youtube.com/watch?v=hftM9yB25r4&list=PLA5eCSY2FeoQLLocS- IEuEG9KjOrJzvPM&index=36

№ 6 САБАҚ. «ҒАЛАМТОР МЕН МЕССЕНДЖЕРЛЕРДЕГІ ҚАУІПТІ СІЛТЕМЕЛЕР»

Сабақтың мақсаты: ғаламторды қауіпсіз қолдану ережелерімен таныстыру.

Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

2. Мақсат қою. Тақырыпты анықтау.

 Бүгінгі сабақта ғаламтор туралы айтамыз. Жағымды және зиянды жақтарын анықтаймыз, ғаламтор желісіндегі қауіптің түрлерін анықтаймыз. 3. Білімді өзектендіру. Өткенді қайталау - Кім ғаламтор желісін қолдануды біледі?

•  Ғаламтор дегеніміз не?
•  Адам өміріндегі ғаламтордың маңызы қандай? (Балалардың жауаптары). Негізгі бөлім.
•  Әлемдегі барлық қолданушылар әлеуметтік желілерге қызығушылық танытып отыр.
•  Қандай әлеуметтік желілер мен мессенджерлерді білесіздер? ВК,

Инстаграм, Телеграм, Тик-Ток…

•  Ғаламторда қанша досың бар? Қанша адам жазылған?
•  Олардың нешеуін білесің?
•  Ол қандай мақсатта сенімен дос болды?

Топтық жұмыс

•  Қазір топта жұмыс істеп біздің өмірімізде ғаламтор қандай роль атқаратынын анықтайсыздар.

1-топ – ғаламтор - біздің досымыз деген пікірге 2-3 мысал келтіріңіздер (достармен сөйлесу, ойындар т.б.).

2-топ – ғаламтор – көмекші (ақпарат алу, сурет салуды үйренуге болады түрлі танымдық ойында, онлайн сабақтар...).

3-топ – интернет – жау (вирустар, рұқсат етілмеген сайттар).

•  Жарайсыздар! Тапсырманы жақсы орындап шықтыңыздар. Ғаламтордан ақпарат іздеуге, білім алуға, адамдармен сөйлесуге бола ма? Алайда ғаламтор қауіп те тудыратыны туралы өздеріңіз айтып отырсыздар.
•  Ол үшін арнайы талаптар бар, егер оларды орындайтын болсақ, алаяқтар мен қаскүнемдікке тап болып қалу мүмкіндігі азаяды.
• Жарнамаға сенбеу алынған ақпаратты тексеру.
• Антивирус қосу.
• Әлеуметтік желілерге жеке ақпараттарды жүктемеу.
• Бейтаныс адамдармен сөйлеспеу және өзіңді дұрыс ұстау.
• Бейтаныс адамдармен кездесуге бармау.
• Қиындық туындаған жағдайда үлкендер көмегіне жүгіну. Қорытынды. Рефлексия

«Бағдаршам» ойыны. Үстелде 3 түрлі түсті қағаз бар. Қызыл – «Жоқ», жасыл – «Иә», сары – «Ойланамын». Сабақты қалай түсінгендеріңізді тексереміз.

 Егер бейтаныс адам қандай да бір әрекетті жасауды ұсынса, ата-анаңмен ақылдасу керек пе? (ойын жүктеу, бейнефильм қарау).

Белгісіз сайттардан ойындар жүктеп алуға бола ма? (Жоқ)

 Зиянды бағдарлама сіздің компьютер мен телефоныңызды «құртуы» мүмкін бе? (Иә)

 Пайдалы сілтеме: https://www.youtube.com/watch?v=u3PvSbPiNvo&list=PLA5eCSY2FeoQLLocS- IEuEG9KjOrJzvPM&index=8

№ 7 САБАҚ. «ТАМАҚПЕН ЭКСПЕРИМЕНТ ЖАСАУДЫҢ ҚАУІПТІЛІГІ»

 Сабақтың мақсаты: оқушылардың бойында салауатты өмір салты негіздерінің құрамдас бөлігі, дұрыс тамақтану мәдениетін қалыптастыру, өз денсаулығына дұрыс қарауға дағдыландыру. Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

2. Мақсат қою. Тақырыпты анықтау

 Мақалдардың адасқан бөліктерін тауып, толық құрастыр. Олардың мағынасын түсіндір.

• Балалар, біздің бүгінгі сабағымызда не туралы айтылады?
• Денсаулық және оны сақтау туралы.

3. Білімді өзектендіру. Өткенді қайталау

«Пайдалы және онша пайдалы емес тағамдар» ойыны

•  Мен тағам түрін атаймын, егер ол пайдалы болса, шапалақтаймыз, ал пайдалы болмаса, жұдырығымызды түйеміз.

 Қолданылатын сөздер: алма, торт, қияр, балық, тәтті, сәбіз, ірімшік, зефир, чупа-чупс, мармелад, сыр, бұрыш, сүт, бал. Әңгіме не туралы болады?

4.Сабақтың негізгі бөлімі Тақтадан не көріп тұрсыздар?

•  Иә, бұл тамақтандыру фирмаларының логотиптері. Сіздер олар туралы білесіздер ме, олардың өнімдерін жеп көрдіңіздер ме? Ұнай ма? Оларды қандай тағам түріне жатқызуға болады? (пайдалы, не зиянды тағам).

•  Кімнің телефонында бұл қосымша жүктелмеген?
•  Бұл қосымша туралы білетіндеріңізді айтып беріңіздер (балалардың жауабы).
•  TikTok – бұл қолданушыларға кез келген тақырыпқа арналған 15 секундтық бейнероликтерді дайындауға және жариялауға мүмкіндік береді.

 «TikTok» әлеуметтік желісінде балалар челлендждерді іздейді, ал олар қауіпті болуы мүмкін.

•  Челлендждер әртүрлі болады: қауіпті, зиянсыз, ал кейде пайдалы.
•  Қаралған бейнеролик қай топқа жатады?
•  Енді олар қандай қауіп төндіретінін талқылайық.
• Бекіту.

-Естеріңізде болсын, адам денсаулығы бәрінен маңызды. Өзіңді және денсаулығыңды сақта!

• Қорытынды. Рефлексия.

Сұрақтарға жауап беріңіздер:

- Мен бүгін досыма қандай кеңес беремін?

Пайдалы сілтемелер:

 https://youtu.be/jYGQOcCA2JM?si=sVmJrYSo6iKba6mg https://youtu.be/FgLou94O9RQ?si=gAgjLQwPYw65mIfI

№ 8 САБАҚ. «ТАБИҒАТ АЯСЫНДАҒЫ ДЕМАЛЫСҚА ҚАЛАЙ ДАЙЫНДАЛУ КЕРЕК?»

 Сабақтың мақсаты: табиғат аясындағы демалыс кезінде тәртіп ережелерін талқылау, демалыс орындарында негізі қауіпсіздік ережелерін сақтауға үйрету.

Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

2. Мақсат қою. Тақырыпты анықтау

•  Балалар үшін ең тамаша уақыт – бұл каникул, ғажап кезең.
•  Ол қандай жағдайлар? (балалар жауабы)
•  Ендеше, бүгінгі сабақта біз табиғат аясындағы демалысқа дайындық туралы әңгіме жүргіземіз. Өмірімізді сақтау үшін не істеу керектігі туралы білеміз.

 3. Білімді өзектендіру. Топтық жұмыс (Карточкамен жұмыс).

•  Табиғатқа аттану үшін мұқият дайындалуымыз керек. Ең бірінші түрде киетін киімдерді дайындау. Әр топ демалыс түрі бейнеленген карточка, иллюстрацияны алады да, дәл сол саяхат түріне арналған киімді таңдайды.

Негізгі бөлім

Демалыс кезінде туындайтын қауіп түрлері:

Ормандағы өрт.

Жәндіктердің шағып алуы, соның ішінде кенелер.

Жануарлардың тістеп, не шағып алуы, соның ішінде жылан шағуы.

Ірі сүтқоректі жануарлардың болуы, мысалы, аю, бұлан.

Жабайы жануарлардың болуы.

•  Егер сіз саяхатқа аттанар болсаңыз, міндетті түрде келесі ережелерді біліп алыңыз:

 Саяхат кезінде нұсқаушының айтқанын тыңда. Онымен қасарысып, сөз таластырма.

Топтың алдына шығып ұзап кетпе, артында да қалып қойма.

Саяхат өзіне ие бола алмайтындарды, еркелікті көтермейді.

 Егер сен бір нәрсеге ренжіп қалсаң, қашып кетуші болма, негізгі топтан қалып қойма.

 Табиғатқа ұқыптылықпен қара, бостан-босқа сіріңке жақпа, қоқыс пен бөгде заттарды лақтырып кетпе.

Таныс емес жидектерді саңырауқұлақты, өсімдіктерді жеуші болма. Қорытынды. Рефлексия

•  Пікірдің мағнасын түсіндір: «Әр адам – табиғаттың бір бөлшегі». Пайдалы сілтемелер:

 https://youtu.be/fqSa28dI6KM?si=8dmlBrieThknfOah https://youtu.be/sKT-1ot7paY?si=_ssBtHSfgosm-VZN

№ 9 САБАҚ. «ҮЙДЕГІ ОЙЫНДАР: ҚАУІПСІЗДІК ШАРАЛАРЫН

САҚТАЙМЫЗ»

 Сабақтың мақсаты: компьютерлік ойындардың зиянды әсерлерімен таныстыру, компьютерге тәуелділік туралы түсінік қалыптастыру.

Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

2.Мақсат қою. Тақырыпты анықтау.

-Тақтаға мұқият қарайық! Суреттен не көріп тұрсыздар?

•  Ғаламтор не себепті қауіпті болуы мүмкін?
•  Осындай мәселе сендерде бар ма?
•  Сондықтан бүгін сіздермен компьютерлік ойындарға тәуелді болу мәселесі туралы сөйлесеміз.

3. Білімді жаңғырту. Өткенді қайталау

 - Компьютерлер біздің өміріміздің барлық салаларына еніп болды. Олар жұмыста да, үйде де мектепте де, балабақшада да тұр. Бір жағынан компьютер біздің жұмысымызды жеңілдетсе, екінші жағынан, балалар компьютерлік ойындармен айналысады да, оған тәуелділік пайда болады.

4. Сабақтың негізгі бөлімі

•  Адамның компьютер алдында уақыт өткізуге, компьютермен ойын ойнауға деген құмарлығын компьютерлік тәуелділік деп атайды. Ойынға құштарлық – компьютерге тәуелділіктің бір түрі.
•  Ойынға тәуелділік (кибераддикция) компьютерлік ойындарға әуестену, рольдік емес ойындарға беріліп кету (басқатырғыштар).
•  Балалар компьютер мониторы алдында ұзақ уақыт отыра береді. Олар тамақтануды, тіпті ұйқыны да ұмытып кетеді.

4.Баланың ойынға тәуелді екенін қалай аңғаруға болады?

 Балалар кітап оқымайды. Үйдегі міндеттерін ұмытады, жеке бас гигиенасын сақтамайды. Олар физикалық тұрғыда белсенді емес, таза ауада серуен, ойын дегенді ұмытады.

 5. Компьютерде отыру мөлшері 7-8 жасар балалар үшін күніне 30-40 минут, аптасына 2-3 рет.

5. Сабақты бекіту. «Бағдаршам» әдісі

Балалар өздерінің жұмыс орындарына барады.

 Педагог тезисті біртіндеп оқиды. Балалар тезиспен келіссе, жасыл карточканы – келіспегендер, қызыл карточканы – келіскендер, күмәнділер – сары карточканы көтереді.

 Егер тезисті талқылау қажет болса, онда қатысушылар өздерінің пікірлерін дәлелдейді.

Тезистер:

Компьютерлік тәуелділіктің бала денсаулығына тигізетін қауіптері:

• семіздік, өйткені қозғалыс аз. жүрмейді, ойнамайды, асқа тәбеті болмайды; ➢ иммунитет әлсірейді, демек, суық тию, жұқпалы ауруларды тез қабылдайды;
• есте сақтауы, зейіннің шоғырлану қабілеті төмендейді де, оқуына қиындық келтіреді.
• ұйқысыздық; ➢ аутизм.

6.Қорытынды. Рефлексия

Оқушылар «Плюс-минус-қызықты» кестесін толтырады.

Пайдалы сілтеме:

https://youtu.be/34qqqO1eH9M?si=CBBwZ_j2IOfvMVdh

№ 10 САБАҚ. «КӨШЕДЕГІ ҚАУІПСІЗ ОЙЫНДАР»

 Сабақтың мақсаты: қауіп төндіретін жағдайлар туралы түсінік қалыптастыру, қауіпті жағдай болатындығын байқай білуге дағдыландыру, көшеде қауіпсіздік шараларын сақтау. Сабақ барысы

1.Ұйымдастыру кезеңі

Сәлемдесу. Жағымды мотивациялық көңіл күй орнату (1-2 мин).

• Мақсат қою. Тақырыпты анықтау.

Сурет бойынша сабақ тақырыбын анықтап алайық!

 Сабақ тақырыбын дұрыс анықтадыңыздар, «Даладағы ойындар» тек қауіпсіз сөзін қосуды ұмытпайық.

Даладағы қауіпсіз ойындар.

• Білімді өзектендіру. Өткенді қайталау
• Балалар, суреттерге тағы да мұқият қарап шығайық. Қай суреттегі ойын қауіпсіз деп ойлайсыздар?

 Қауіпсіздік дегеніміз қатер төнбейтін және қауіптен қорғана алатын жағдайдың болуы.

Жазғы демалыс – оқудан бос демалыс уақыт.

• Алдымызда ұзақ жазғы демалыс далада, көшеде серуендеп жүргенде қауіпсіздік ережесін сақтап, абай болу керек!

4. Сабақтың негізгі бөлімі

•  Қауіпсіздік ережелерін екі топқа бөлу. Бірінші топ – мүлдем жасауға болмайтын әрекеттер. Екінші топ – міндетті түрде жасалатын әрекеттер.
•  Қазір сіздер ереже парағын аласыздар. Оның ішінен сабаққа қатысты 3 ережені белгілейсіздер.
• Жол бойында ойнауға тыйым салынады.
• Жағадан алысқа жүзіп кетуге болмайды.
• Үтікті қосып кетуге болмайды.
• Бейтаныс кісіні пәтерге кіргізуге болмайды.
• Иттерді ызыландыруға болмайды.
• Құрылыс алаңында ойнауға болмайды.
• Өткір, үшкір заттармен ойнауға болмайды.
• Жол бойында велосипед тебуге болмайды.
• Қараңғы түскеннен кейін далада ойнауға болмайды.
• Сіріңкемен ойнауға болмайды.

- «Міндетті түрде жасауға болады» деген ойынымызды бастайық. «Есте сақта!»

• Жолдан өтпес бұрын әуелі сол жағыңа қара. Егер жол бөлігі бос болса, өте бер. Жол ортасына келгенде тоқтап, оң жағыңды қара, машиналар болмаса, жолдан өт.
• Егер саған қауіп төнсе, айқайлап көмекке шақыр.
• Жолдан асықпай өту керек.
• Жолдың арғы бетіне бағдаршамның жасыл түсі жанғанда өт.
• Егер саған ұят қылық жасауды ұсынса, жоқ деп айта біл.

Бекіту. Өзіндік жұмыс

• • Көшеде жалғыз жүргенде не істеу керек?

А) Жануармен ойнау үшін оған тоқаш беремін

Б) Егер бейтаныс адам машинама мін десе, мен оған жақындамаймын В) Өзім жалығып кетпеу үшін жолшыбай кездескен барлық бейтаныс адамдармен сөйлесе беремін

• • Досың бір жерін қатты соғып алса қандай көмек көрсетер едің? А) Салқын басу және үлкендерге айту.

5. Қорытынды. Рефлексия

 Пайдалы сілтеме: https://www.youtube.com/watch?v=nIVbqv9_Da8&list=PLA5eCSY2FeoQLLocS- IEuEG9KjOrJzvPM&index=23

https://youtu.be/NCnr6WmrZ4o?si=edmNbVlfGFrLJNJm