Информатика – қолданбалы пән

Қазіргі ақпараттық технологияның минут сайын қарыштап дамыған заманында информатика пәнінің ғылымдар арасында алар орны ерекше. Информатика – ЭВМ арқылы ақпаратты жинақтау, сақтау, түрлендіру, тасымалдау және оны пайдалану заңдылықтары мен тәсілдерін зерттейтін ғылыми пән. Информатиканы оқудың маңыздылығы бұл ғылымның тек ЭВМ-ді пайдалану мүмкіндіктері мен олардың жұмыс істеу принциптерін түсіндіріп қана қоймай, қоғамдық өмірде және адамдар арасында ақпаратты кеңінен қолдану заңдары мен тәсілдері туралы мәліметтер беретіндігі болып табылады.

Қазіргі кезде жаңа ЭВМ-дер күнбе – күн пайда болып, олардың даму процесі үздіксіз ғылыми – техникалық процесске айналып отыр. Сонымен қатар, ақпаратты өңдеу, жинау және беру тәсілдері де күннен – күнге дамып келеді. Осы себептерге байланысты информатика жиі өзгеріске ұшырайтын ғылыми пән болып саналады.

Информатиканың негізгі объектісі, яғни оның шикізаты мен беретін өнімі информация болып саналады. Сондықтан информация ұғымы информатикамен ЭВМ-де жұмыс істеудің ең түбегейлі атауларының бірі.

Бұл күнде ЭВМ информация өңдеудің ең негізгі құралы болып саналады. 70-жылдарда электрониканың дамуы компьютердің жаңа түрін жеке пайдаланылатын дербес компьютерді көптеп шығаруға жол ашты. Олар қазірде мектептерде, университеттерде, баспаханаларда, кәсіпорындарда кеңінен қолданылады. Мұндай компьютерді оқуда, жұмыста т.б. көптеген мақсатта қолдануға болады. Осы компьютерлерді өндіріс пен жобалау ісінде, ғылыми зерттеу істері мен пайдалану білім беруде миллиондаған адамдардың жұмыстарының мазмұны мен орындалуын түбегейлі өзгертті деуге болады. Бұл атап отырғандарым информатиканың тек кішкентай бір бөлігі ғана. Информатиканың берер мүмкіндіктері шексіз, шетсіз.

Информатика пәні – болашақтың пәні дегім келеді. Заманмен бірге күн сайын даму үстінде. Мен болашақта программист маманы болғым келеді. Қазіргі таңда мектепте оқып жүрген информатика пәніне деген қызығушылығымда сол себептен. Информатика пәнін зерттеп, оның дамуына менде өз үлесімді қосқым келеді.