Ұстазға құрмет

Адамға ең бірінші ақыл керек. Ал, ақылды, білімді үйрету үшін ұстаз керек. Ұстаз - санамызға жақсы сөздерді түйіп, бізге тек жақсылық тілейді. Өнерге де, білімге де ұстаздың еңбегі зор екеніне сенімім мол. Біз білім алу үшін «мектеп» деген киелі ордаға келеміз. Өмірдің жаңа жолын бірінші сыныптан бастаймыз. Бәрі де өзімізге байланысты екенін білуіміз керек. Сол себепті сабақты жақсы оқу, ата-анамыздың үмітін ақтау біз үшін-парыз екенін ұмытпауымыз керек. Мектептің берер тәрбиесі мол. Барлық адамзат баласы мектеп табалдырығын аттап, сапалы білімін алып, парасатты адамзат болып ,алтын ұясынан ұшады. Білімді адам әрқашан ақылымен ерекшеленеді. Сондықтан да әрбір уақытымызды білімге арнайық! Ұстаздың берген тәлім тәрбиесін, білімін мәңгі жүрегімізде сақтасақ, кездескен алып қиыншылықтардың қамалын бұзып өте аламыз. Әрине, бұл ұстаздардың еңбегі.

Ұстаздарды құрметтейік!