Көктем

Көктем-жылдың төрт мезгілінің бірі. Көктем айлары: наурыз, сәуір, мамыр. Қыс мезгілінен кейін көктем келеді. Көктемде 22-наурыздан, табиғаттың жандануымен басталады. Көктемде күн ұзарып, ауа райының жылуынан қар еріп, тоң жібиді. Жауын-шашын мол жауады. Соның салдарынан көбінесе су тасиды. Көктемде жалпы тіршілік иелерінің жандануы, тірілуі басталады. Жәндіктер мен хайуанаттар қысқы ұйқысынан оянып, тіршілігін бастайды. Мал төлдеп, жыл құстары оралады. Жер бетіне көк шығады. Жеміс ағаштары бүршік атып, гүлдейді. Жер жырту, ағаш отырғызу, егін егу жұмыстары жүргізіледі.

Көктем келді шуақты,

Бәрімізді қуантты.

Жердің беті нұрланып,

Жауқазындар гүл ашты.