Алтын күз туралы 2 сынып оқушысының шығармасы

Күз мезгілі қандай тамашы, сұлу. Бірінен соң бірі жерге төгіліп жатқан қызыл, сары жапырақтар, ұзақ жолға дайындалып жатқан құстар бәрі-бәрі күз келгенін білдіріп жатқандай. Бұл мезгіл байлықтың, тоқшылықтың белгісі. Күз мезгілінде жеміс-жидек мол болады. Қырман дәнге толады. Құрт-құмырсқаның жыбырлағаны, шыбын-шіркейдің ызыңдағаны да азаяды. Саябақтың іші сары бояуға малынып, жерге алтын кілем төселгендей, сап-сары, жұп-жұмсақ керемет болып тұр. Аспанды бұлт қаптап, жаңбырдың лебі есті. Күз мезгілі мен үшін ерекше мезгіл. Мен үшін күз мезгілі жаңа қадамдар жасап, алға ұмтылуға шабыттандырады. Себебі таңғажайып мезгілде жаңа оқу жылына қадам басып, білім алуға деген құштарлығымыз оянады. Ешқандай мезгілге ұқсамайтын, өзіндік ерекшелігі бар мезгілде ұстаздар мерекесі тойланады.