Халық салт-дәстүрі құндылықтары негізінде оқушыларға патриоттық тәрбие беру

Елбасы Н.Ә. Назарбаевтың Қазақстан халқына арналған «Қазақстан - 2050: бір мақсат, бір мүдде, бір болашақ» жолдауындағы, Қазақстан тарихына енетін он негізгі идеяның бірі – патриотизм.Бала тәрбиесі – мемлекеттің маңызды міндеттерінің бірі. Қай елде, қай заманда болмасын, бала тәрбиесіне ерекше мән берілген, өйткені бала ата - анаға ғана емес, ұлыс пен ұлттың ертеңі. Жалпы патриоттық сезімнің қалыптасуы отбасы тәрбиесінен басталады.

Қазақстан Республикасының білім беру саласындағы негізгі міндеттерінің бірі: оқушылар мен жастарды патриотизмге, биік мәдениетке, адам құндылықтары мен бостандықтарын құрметтеуге тәрбиелеу болып табылады деймін.

Елбасы Н.Ә. Назарбаев: «... отаншылдық сезімін тәрбиелеу білім берудің мектепке дейінгі жүйесінен жоғарғы оқу орындарына дейінгі орталықтарда көкейкесті болып табылады. Балаларды Отанды, туған жерді, өзінің халқын сүюге тәрбиелеу – мұғалімнің аса маңызды парызы»- деген еді.

Менің Отаным – Қазақстан. Мемлекеттің мүддесін қорғайтын патриотпын. Патриоттық тәрбие ұлттық намыс, ұлттық сана – сезім рухани байлықтан көрініс табады, деп ойлаймын. Рухани байлыққа ең алдымен, тіліміз, дініміз, салт – дәстүріміз жатады. Тіл – қазақ болуымыз үшін, дін – адам болуымыз үшін, салт – дәстүр – ұлт болуымыз үшін қажет.
Ұлттық тәрбие – адам өмірінің алтын арқауы. Ұлттық тәрбиеден тереңдеп нәр алып, рухани бай адам болғым келеді.Тәрбиелі – тәртіптің құлы, тәртіпті – елдің ұлы», - халық қаһарманы Бауыржан Момышұлы айтқан. Менің саналы өмірдің, сапалы ұрпағы болу міндетім.

Мағжан Жұмабаев: «Тәрбиедегі мақсат баланы тәрбиешінің дәл өзіндей қылып шығару емес, келешек өз заманына лайық қылып шығару»,- деген еді . Мен өз бойымда азаматтық пен қазақстандық патриотизмді қалыптастырып, мемлекеттік рәміздерді құрметтеуге, халық дәстүрлерін дәріптеуге, әлемдік және отандық мәдениет жетістіктерін оқуға, заңға, қоғамға қарсы келетін іс – әрекеттерден аулақ болуға тырысамын.

Абай Құнанбаев еңбектері жастарды ерлік рухта, патриотизімге баулып, намысын, адамгершілік қасиеттерін оятуды үнемі мақсат етті. Мен Абайдың шығармаларынан үлгі аламын. Патриоттық тәрбие алу арқылы саналы сезімім, көзқарасым қалыптасты. Отанға деген сүйіспеншілігім өзімді тұлға ретінде сезуініме мүмкіндік береді, ал бұл болса, өмірде өзіме сенімді болуыма септігін тигізеді. Патриоттық рухта тәрбиеленудің алғашқы кезі мектепте деп білемін. Сондықтан, Отанға деген сүйіспеншілік, ана тіліне, салт – дәстүрге деген құрмет сезімдерінің, ең қарапайым түрі – оқушының, яғни менің – ұстазды құрметтеу, күнделікті сабаққа бару, берілген тапсырмаларды уақытында орындау, ізетті, инабатты болуым, деп түсінемін.Менің мақсатым

– дені сау, ұлттық сана, сезімі оянған, рухани ойлау дәрежесі биік, мәдениетті, еңбекқор, іскер бойында игі қасиеттері бар адам болу.

Елбасы Н.Ә. Назарбаевтың: «Біз жеткіншек ұрпақты босбелбеу тірлікке емес, басқалармен бірдей бағын сынайтын нар тәуекел мен іскерлікке тәрбиелеуіміз ләзім» деген сөзі, мені қазірден қоғамдық істерге, өнер мен спортқа, білімге, өнегелі өсиетке бейім болуыма тәрбиелейді.

Ежелгі ата – бабаларымыздың күміс күйі, айтыс өлеңдері, батырлар туралы тарихи дастандары, тәрбиелік бағыттағы «Шілдехана», «Бесікке бөлеу», «Тұсау кесу» тағы да басқа көптеген рәсімдерін оқып, содан өнеге, тәрбие алдым. Осылар арқылы елді, жерді, Отанды сүюшілік қасиеттері қалыптасып, патриоттық сезімім оянды.Отан деген сөзді күнде сезіп жүремін. Отан – адамның туып өскен жері, атамекені, халқы, туған – туыстары, жақындары.

Біздің Президентіміз Н. Ә Назарбаев : «Болашақта еңбек етіп өмір сүретіндер – бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады», - деп айтты.

Халықтық салт – дәстүр, мәдениет құндылығы – халық қазынасының озығын, ақылды да әдепті жан – жақты жетілген патриоттық сезімдегі азамат тәрбиелеуде пайдалансақ, қателеспейміз. Жан – жақты ел тарихын білетін, Отанын сүйетін, заман талабына сай оқушылар мен жастарды тәрбиелеу бүгінгі күн талабы!
Мен Отаныма деген құрметімді, алғысымды өлең жолдармен айтқым келеді:

Отаным, Достық пен ынтымақ мекені,
Гүлденсін халқымның ертеңі, Жасай бер, егемен,
Тәуелсіз елім! Отаным, сүйікті мекенім!