Жайнай бер жарқын жолда елім менің - Қазақстан

«Отаным» деген жас жүрегімнен шыққан асыл сөзді мақтанышпен, асқақтықпен айта аламын. Ата-бабамыздың азаттық жолындағы ерен ерлігінің арқасында осынау арман еткен заманға тер төге, көп күш жұмсай жеткен елімді мақтаныш етемін. Талай жылғы ұлы дүбір, дүрбелеңнен кейін жарқын болашақтың таңы атып, еркіндік пен теңдік есігін айқара ашты.Еліміздің күні оңынан туып, жарық жұлдыздар шоғыры ұлттық намыс пен арамызды тудай желбіретті. Әрине, бұл күн оңайлықпен келмегені белгілі. Еліміздің арыстары талай жылдар басын тау мен тасқа ұрып, тар жол тайғақ кеше жүріп, еліміздің болашағы, келер ұрпақтың бақытты ғұмыры үшін аянбай күресіп табандылық пен асқан қайсарлық, шыдамдылық пен беріктік танытты. Барлық саналы ғұмырын ұлт мүддесіне арнаған бес арыс, ұлы Отан соғысында елім деп жанын пида еткен қайтпас қыран алаш азаматтары, жүректері оттай жалындаған желтоқсан қаһармандары.... Айта берсе жалғаса берер елінің асыл ұрандары, асқақ рухты азаматтарының ерен ерлігінің арқасы деп білемін.

Өз Отаныңның, өз еліңнің патриоты болғаныңа не жетсін! Сайын дала-атажұрт бабаларымыздың көздің қарашығындай сақтап, найзаның ұшы, білектің күшімен қорғағанының арқасында бізге жетіп отыр. Ендеше осындай алып Отанды сүйіп өту кімге де болсын парыз әрі қасиетті міндет. Отанды сүю оның әрбір тасын сүюден басталады. Яғни, туған анаңа, туған жұртыңа деген махаббат Отанға деген махаббатқа ұласпақ.

Еліміздің көгінде тәуелсіздік туы желбірегеннен бері өшкеніміз жанды, ата-баба дәстүрі көш түзеді, халқымыз еңсесін тіктеп жарқын болашаққа қол созды. Содан бері атқан оқтай зулап 22 жыл да өтіп кетті. Қазақстанның жжиырма екі жылдық ғұмырына көз салсақ, ауыз толтыра айтарлықтай, көкірегіңді мақтаныш сезімі кернеп еске аларлықтай жеткен жетістіктері, асқан асулары мен бағындырған жаңа белестері көп.

1991 жылы 16 желтоқсан күні Қазақстан елі теуелсіздік алды. Президент Нұрсұлтан Әбішұлы Назарбаев сайланды. Әрине, мемлекет құрылған кезде тілі де, рәміздері де қалыптасады. Қазақстан Республикасының мемлекеттік тілі-Қазақ тілі. Рәміздері: ту, елтаңба, әнұран. Олар егемендікті, бостандықты, дәстүрлерді, тәуелсіздікті көрсетеді. Тәуелсіздік-бұл бүгінгі өмір ғана емес, сонымен қатар, ертеңгі өміріміз-Қазақстанның болашағы , оның мүмкіндіктері мен мақсаттары. Тәуелсіз болу-өз тағдырына жауап беру деген сөз.

Ақыр соңында, әр Қазақстан Республикасының азаматы не істеу керек? Ол мемлекеттік тілін білу, барлық халықтардың дәстүрлерін құрметтеу, өз Отанын қорғау керек Себебі Қазақстан-біздің ортақ үйіміз, біздің Отанымыз. Яғни, осындай егеменді елдің, ұлан ғайыр жердің болашақ ұрпағы-біз қандай болуымыз керек? Біз-жан-жақты дамыған білімді, сауатты, бірнеше тілді еркін меңгерген, интеллектуалды ой-өрісі кең, осындай мемлекетке сай ұрпақ болуға міндеттіміз.

Қазіргі Қазақстан- егеменді, демократиялық, зайырлы, құқықтық және әлеуметтік мемлекет. Бізге әлі де алға ұмтылу керек. Ғылымды дамыту, ауылдық жерлердің әлеуметтік жағдайын, мәдениетін көтеру және осы жолға апаратын көптеген кедергілерді жою керек. Әрине, Қазақстанның алар асуы, шығар биігі әлі алда.
Бүгінгі Қазақстан Астанасын бас қала етіп, дамыған мәдениет пен экономиканың, білім мен ғылымның орталығына айналдыра, елінің тұрақтылығы мен бірлігін сақтап, дүние жүзіне танытуға күш салуда. Бұған мемлекетіміздің Бірікке Ұлттар Ұйымы, Еуропадағы Қауіпсіздік пен Ынтымақтастық Ұйымы сияқты халықаралық қауымдастықтарына мүше болып дүние жүзі елдерімен тығыз байланыс орнатуы және осы жолда атқарып жатқан қыруар істері дәлел бола алады . Кемеңгер Елбасымыздың «Қазақстан-2050» бағдарламасы өз бағытымен жүзеге асса, келешекте Қазақстан мемлекеті дүние жүзіндегі ірі мемлекеттер қатарына қосылады деген сенімдемін.

Осындай қйыншылықпен келген егемендігіміздің туын желбіретіп, ата-бабаларымыздың армандаған тілектерін орындау мақсатында, болашақта елімнің дамыған алдыңғы қатарлы алпауыт мемлекеттердің алдында болуына мен де өз біліміммен, еңбегіммен үлесімді қосқым келеді.

«Отан» деген сөзді естігенде асқақ ақынның мына өлең жолдары жүрегімді тебіренте есіме түседі және кеудемді мақтаныш сезімі кернейді:

Отан десем оралады ойыма Ақсақалды, ақ шапанды қария. Туған жерім-құт мекенім, дариям, Егеменді елім, туым, әнұран, Қанатымды қағып ұшқан жанұям.

Осы жолды аңсап еді еліміз, Ар-намысты батыр туған жеріміз. Мақтан етер бай мұрасы, салты бар, Мен сүйетін қалың қазақ, халқым бар.