Ғылыми зерттеулер бағыттарын болжау. Жаратылыстану, 6 сынып, қосымша материал. 2 - сабақ.

Сынып оқушыларын 4 топқа өз қалауыңыз бойынша бөліңіз.Топ-сынып форматы.

Топта келесі сұрақтарды талдауды ұсыныңыз.

-Болашақта қандай қалада тұрғыларың келеді?

-Өздерің тұратын жердің қандай болғанын қалайсыңдар?

Оқушылар топта талқылаған жауаптарын сынып форматына ұсынады. Дескриптор бойынша бағалаңыз. Бағыттаушы сұрақтар арқылы, оқушылармен бірге сабақтың тақырыбын және бағалау критерийлерін шығарыңыз.

Оқушыларға мәтін таратыңыз, жеке оқып, ашылған жаңалықтардың астын сызуды және топта талдай отырып, мәтінге атау беруді ұсыныңыз. Оқушыларға өнертабысты патенттеу рәсімдемесі туралы слайдты қолдана отырып түсіндіріңіз. Оқушыларға «Болашақтың қаласы» жобасын орындауды ұсыныңыз. Бұл үшін оқушыларға зерттелетін тақырыппен байланысты сөздердің тізімі беріледі. Топтағы оқушылар берілген сөздерден топ идеясын орындау үшін өздеріне қажеттісін таңдайды.

• Қаланы жақсарту мақсатында қандай өнертабысты патентке ұсынасың?

Әр топ сұрақты толық ашу үшін, постер құрастырады. Әр топтан патенттік қазылар алқасының бір мүшесі таңдалады. Қазылар алқасы қандай өнертабысқа патент берілуі керек екенін шешеді. Одан әрі шығармашылық табыс тілей отырып, «Патенттер» беріледі.

Оқушыларға арналған «Патенттерді» дайындаңыз. Оқушыларға алдын ала дескрипторды ұсыныңыз.

Сабақ соңында бастапқы оқу мақсатына, бағалау критерийіне қайтадан оралып, оқу мақсатын меңгергендіктері туралы әңгімелесіңіз. Жұмысты бастамас бұрын оқушылармен дескрипторды талдап алған жөн. Қалыптастырушы бағалау сабақ бойына өткізіледі.

Тиімді сілтеме:

 Мини-жобаларды құрастыру бойынша нұсқау.

 http://festival.1september.ru/articles/639525/.

 «Идеялар генераторы»

 https://www.googlesciencefair.com/springboard/ru/

 патенттер туралы

 http://www.kazpatent.kz/index.php/ru/

 Болашақтың байланысы:

 https://www.youtube.com/watch?v=u1mlbl67RbI

 Пинкод «шароскоп»

 https://www.youtube.com/watch?v=N3FCcyqQvA8&list=PLeVA7eICJ6d0LiK0uJbQRoIoTePZTobku