Табиғаттағы заттардың химиялық айналымы. Жаратылыстану, 6 сынып, қосымша материал.

 Сабақтың бастапқы кезеңінде оқушылар қаламдарының көмегімен топтарға бөлінеді. Топтарға табиғаттағы заттардың суреттері көрсетіліп, тірі және өлі табиғат заттарына жіктейді. Содан кейін топтарға мұғалім тарапынан сұрақтар қойылады. Оқушылар алдыңғы білімдерін осы тапсырманы орындау барысында еске түсіреді. Тапсырманы орындап болғаннан кейін оқушылардың жауаптарын толықтыруға болады. Оқушыларға жасалған жұмыс бойынша кері байланыс ұсыну керек. Оқушыларға сабақ мақсатын және бағалау критерийлерін өз бетінше анықтауға мүмкіндік беріңіз.

 Сабақтың орта кезеңінде мұғалім түсіндірме жұмысын жүргізеді. Сабақ барысында оқушылар «Азот айналымы» туралы бейнеролик қарап, сұрақтарға жауап береді. Содан кейін топтарда жұмыс жасай отырып, табиғаттағы заттардың айналымдарының сызбасын әзірлейді. Сабақта саралауды топ ішінде оқушыларға рөлдерді бөліп беру арқылы жүргізу керек. Топ мүшелерінің жұмысын топ көшбасшысы бағалау парақтары арқылы бағалайды. Сабақ барысында орындалған барлық іс-әрекеттерден кейін мұғалім кері байланыс ұсынуы қажет. Барлық тапсырмаларды орындау барысында оқушыларға тапсырмаға дескрипторлар көрсетуді ұмытпаңыз. Сабақты бекіту барысында оқушылар өздік жұмыс орындайды. Уақыт жеткілікті жағдайда оқушылар жазба жұмыстарына өзара бағалау жүргізеді.

 Сабақ соңында міндетті түрде сабақ мақсаттарына және бағалау критерийлеріне оралып, оларға жету деңгейі оқушылармен талқылануы қажет. Сабақ бойынша оқушылардан міндетті түрде кері байланыс алу керек. Әр оқушы рефлексия жасауы қажет. Бірнеше оқушы сыныпқа өз жауабын оқиды.

Пайдалы сілтемелер:

https://dic.academic.ru/dic.nsf/enc_geo/6548/%D0%BA%D1%80%D1%83%D0%B3%D0%BE%D0%B2%D0%BE%D1%80%D0%BE%D1%82

https://ibrain.kz/ekologiya/krugovorot-veshchestv-v-prirode