Қышқылдар мен сілтілер. Индикаторлар. Жаратылыстану, 6 сынып, сабақ жоспары. 1 - сабақ.

Бөлім: 6.2В : Заттардың жіктелуі

Мектеп:

Мерзімі:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Қышқылдар мен сілтілер Индикаторлар (1-сабақ)

Осы сабақта қол жеткізілетін оқу мақсаттары (оқу бағдарламасына сілтеме)

- 6.3.2.2 тірі және өлі табиғаттағы қышқылдық, сілтілік және бейтарап орталарды ажыратады және әмбебап индикатор көмегімен ортаны анықтайды

Сабақ мақсаттары

- заттардың ортасы табиғи қышқылдық/сілтілік/бейтарап болатынын білу- әмбебап индикаторды қолданып, сілтілер мен қышқылдарды анықтау- табиғи индикаторларды және олардың түстерінің түрлі ортада өзгеруін білу

Бағалау критерийлері:

- индикатор ұғымын түсінеді

- ерітіндідегі заттарды ортасы бойынша жіктейді

- әр түрлі орталы ерітінділердегі әмбебап индикаторының түсінің өзгеру диапазонын біледі

- әмбебап индикатордың қышқылдық, сілтілі және бейтарап ортадағы түсін атайды

-табиғи индикатор дайындай алады

Тілдік мақсаттар

Оқушылар:

- ерітіндінің ортасы қалай анықталатынын сипаттай алады;

Пәндік лексика және терминология:

- қышқылдық орта

- сілтілілік орта

- бейтарап орта

Айтылымға қажетті сөз тіркестері:

•Әмбебап индикатор …….үшін қажет.

• Егер ерітіндідегі әмбебап индикатордың түсі ….. өзгерсе, онда орта …

Құндылықтарды дарыту

 «Мәңгілік ел» құндылықтары

 Сабақта топтық жұмыс істеу және нәтижелерді басқа оқушылармен ақылдасуды жүргізу арқылы талқылау өзге пікірді құрметтеу мен коммуникативті дағдыларды дамытуға мүмкіндік береді. Оқушылар бақылауының негізінде жатқан қағидаттарды түсіндіруде сыни тұрғыдан ойлау қасиетінің көптеген мүмкіндіктері бар.

Пәнаралық байланыстар

 Табиғи объектілердің ортасын анықтау барысында биология пәнімен байланыс орнатылады

Бастапқы білім

2.1.1.8 Эксперимент жүргізу және оның нәтижелерін кесте түрінде беру

3.3.1.1 Заттарды шығу тектері мен агрегаттық күйлеріне сәйкес жіктеу 

3.2.1.3 Фотосинтез үдерісін білу және түсіну

3.3.3.1 Тірі ағзада және өлі табиғатта судың бар болатыны туралы білу  

 ЖОСПАР

 Сабақтағы жоспарланған іс – әрекеттер

• Сұрақ-жауап

Ал, сіз бұрынғы заманда кірді және шашты немен жуғанын білесіз бе?

Оқушылардың жауаптары толық болмаған жағдайда мұғалім слайд-2 қолдана отырып, түсіндіреді

2.Мақсатты тұжырымдау.

Оқушылармен бірлесе отырып, сабақтың мақсаты анықталады:

- заттардың ортасы табиғи қышқылдық/сілтілік/бейтарап болатынын білу- әмбебап индикаторды қолданып, сілтілер мен қышқылдарды анықтау- табиғи индикаторларды және олардың түстерінің түрлі ортада өзгеруін білу

3. Мұғалім оқушыларға күнделікті өмірде кездесетін заттарды слайдтан көрсете отырып, әр зат өзіне тән орта көсететінін, қышқылдық/сілтілік/бейтарап ортаны индикаторлар көмегімен анықтауға болатынын түсіндіреді. Индикатор– әртүрлі орталарда түсін өзгертетін зат. Әмбебап индикаторы мен табиғи индикаторлардың ерекшеліктері туралы ақпарат беріледі.

4. Сынып оқушылары 4 топқа бөлініп, жұмысты топпен орындайды.

Лабораториялық жұмыс (қосымша №1)

Тақырыбы: Табиғи индикатор дайындау және табиғи объектілердің ерітінді ортасын анықтау

Бағалау: Әр оқушының жұмысына мұғалім жазбаша түрде кері байланыс береді

5. Рефлексия «Бес бармақ»

Бас бармақ – басты мәселе

Бүгін сабақта ең құнды мәселе қандай болды?

Балалы үйрек – бірлесу

Мен топта (жұпта) қалай жұмыс жасадым? Кімге көмек бердім?

Ортан терек – ойлану

Мен бүгін қандай білім мен тәжірибе алдым?

Шылдыр шүмек – шынайылық

Сабақ маған ұнады ма? Неліктен?

Кішкентай бөбек – көңіл-күй ахуалы

Мен сабақта өзімді қалайша сезіндім?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Сабақ барысында дарынды оқушылар қолдау қөрсетеді, ал барынша үлгеретіндерге метакогнитивті сұрақ қою арқылы олардың білімдерін кеңейтіледі. Сонымен қатар, топтағы жұмыс барысында басқа оқушыларға қолдау көрсету барысында ұйымдастырушылық, көшбасшылық қабілеттері дамиды