Органикалық және бейорганикалық заттар. Жаратылыстану, 6 сынып, сабақ жоспары.

Бөлім: 6.2В : Заттардың жіктелуі

Мектеп:

Мерзімі:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Органикалық және бейорганикалық заттар

Осы сабақта қол жеткізілетін оқу мақсаттары (оқу бағдарламасына сілтеме)

6.3.2.1 заттарды органикалық және бейорганикалық заттарға жіктейді

Сабақ мақсаттары

Оқушылар:

- органикалық және бейорганикалық заттар туралы түсінік беру

- заттарды жіктей білу

Бағалау критерийлері:

- заттарды органикалық және бейорганикалық заттарға жіктеу;

- органикалық заттарға екі мысал келтіру;

- бейорганикалық заттарға екі мысал келтіру.

Тілдік мақсаттар

Оқушылар:

- органикалық және бейорганикалық заттардың ұқсастықтары мен айырмашылықтарын ауызша және жазбаша сипаттай алады

Пәндік лексика және терминология:

органикалық заттар, бейорганикалық заттар

Айтылымға қажетті сөз тіркестері:

Барлық органикалық қосылыстардың құрамына …атомдары кіреді..

Құндылықтарды дарыту

 «Мәңгілік ел» құндылықтары

 Сабақ сыйластықты, ынтымақтастықты, академиялық шындықты дарытуға бағытталған.

 Құндылықтарды дарыту жұптық, топтық жұмыстарды ұйымдастыру, жеке жұмыстарды орындау барысында жүзеге асады.

Пәнаралық байланыстар

 Заттың қатты, сұйық және газ күйіндегі құрылысы мен балқу және қайнау температуралары туралы ұғымдарды қарастыру барысында физика пәнімен байланыс орнатылады

Бастапқы білім

2.1.1.8 Эксперимент жүргізу және оның нәтижелерін кесте түрінде беру

3.3.1.1 Заттарды шығу тектері мен агрегаттық күйлеріне сәйкес жіктеу 

3.2.1.3 Фотосинтез үдерісін білу және түсіну

3.3.3.1 Тірі ағзада және өлі табиғатта судың бар болатыны туралы білу  

 ЖОСПАР

 Сабақтағы жоспарланған іс – әрекеттер

1. Топтық жұмыс-сынып форматы

Оқушыларға қораптарда берілген (сүт, айран және басқа азық-түліктерден) өнімдердің құрамымен танысуды және оларды органикалық және бейорганикалық заттарға бөліп көруді ұсыныңыз.

Бағалау: мұғалім оқушылардың жауаптарына ауызша кері байланыс береді

2. Мақсатты тұжырымдау.

Оқушылармен бірлесе отырып, сабақтың мақсаты анықталады:

• органикалық және бейорганикалық заттар туралы түсінік беру
• заттарды жіктей білу

3. Оқушылардың жұмыс нәтижелерін талқылаңыз және органикалық заттардың бейорганикалық заттардан негізгі айырмашылығын түсіндіріңіз.

Органикалық заттарға тек қана тірі ағзалардың құрамына кіретін ақуыздар, майлар, көмірсулар (қант, глюкоза) ғана жатпайды, сонымен қатар адам синтездеген басқа да қосылыстар жататыны туралы білімді қалыптастырыңыз (пластмассалар, жасанды маталар және т.б.)

4.Оқушыларға фотосинтез кезінде оттегімен бірге органикалық қосылыстардың түзілетінін түсінуге мүмкіндік беріңіз.

• Фотосинтез процесі кезінде қандай өзгерістер байқалады?
• Фотосинтез процесіне қатысатын және нәтижесінде түзілген заттарды жікте

5.Толықтай түсіну үшін органикалық заттардың салыстырмалы түрде жоғары емес температурада тұрақсыздықтарымен, төмен балқу температураларымен (300°С дейін), жанғыштықтарымен ерекшеленетінін түсіндіру қажет.

Көрсетілім

Мұғалім қауіпсіздік техникасының ережелерін сақтай отырып, эксперимент жүргізеді

«Мақтаның (қанттың) жануы»

«Ас тұзын қыздыру»

 6. Суретте берілген заттармен танысып, олардың арасынан органикалық заттарға жататынын таңда.

Жауабын берілген кеңістікке үтір арқылы жаз.

Неге осы заттарды таңдадың? Түсіндір.

7. Топ-сынып форматында талқыла.

Неліктен заттар органикалық және бейорганикалық заттарға бөлінеді?

Дескриптор бойынша өзара бағалау жүргізеді.

8. Рефлексия

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Сабақ барысында дарынды оқушылар қолдау қөрсетеді, ал барынша үлгеретіндерге метакогнитивті сұрақ қою арқылы олардың білімдерін кеңейтіледі. Сонымен қатар, жұптағы, топтағы жұмыс барысында басқа оқушыларға қолдау көрсету барысында ұйымдастырушылық, көшбасшылық қабілеттері дамиды