Халық тығыздығы. Жаратылыстану, 6 сынып, қосымша материал.

 Сабақтың бастапқы кезеңінде оқушылар өз қалауларымен топтарға бөлінеді. Алдыңғы білімді жаңғырту мақсатында оқушылар карта бойынша нәсілдердің таралу аймақтарын, антропологиялық ерекшеліктерін анықтайды. Тапсырманы орындап болғаннан кейін оқушылардың жауаптарын толықтыруға болады. Оқушыларға жасалған жұмыс бойынша кері байланыс ұсыну керек. Сабақ мақсатын оқушылар өздері анықтауға тырысып көрсін.

 Сабақ оқушылардың қабылдау типтерін ескеру бойынша қарастырылған. Бейнероликті тамашалау алдында мұқият қарауларын сұраңыз. Содан кейін бейнеролик бойынша сұрақтар қойыңыз. Кескін картамен жұмыс жасау барысында міндетті түрде жұмыс жасау ережелерін түсіндіру керек. Қабілеті жоғары оқушылар 10 елден, қабілеті төмен оқушылар 5 елден түсіреді. Топтық жұмыс барысында оқушыларға әртүрлі рөлдерді беруге болады: таймкипер, топ басшы және т.б. Сабақ барысында орындалға барлық іс-әрекеттерден кейін мұғалім кері байланыс ұсынуы қажет. Барлық тапсырмаларды орындау барысында оқушыларға тапсырмаға дескрипторлар көрсетуді ұмытпаңыз. Сабақты бекітуге арналған деңгейлік тапсырмаларды оқушылардың қабілеттеріне байланысты ұсынылады.

 Сабақ соңында міндетті түрде сабақ мақсаттарына және бағалау критерийлеріне оралып, оларға жету деңгейі оқушылармен талқылануы қажет. Сабақ бойынша оқушылардан міндетті түрде кері байланыс алу керек. Әр оқушы «Гүл шоғыры» деп аталатын әдіс бойынша рефлексия жасауы қажет.

Пайдалы сілтемелер:

https://turtella.ru/interesnoe/i92.html

http://ostranah.ru/_lists/population_density.php