Мұхиттар табиғатының ерекшеліктері. Жаратылыстану, 6 сынып, сабақ жоспары.

Ұзақ мерзімді жоспардағы бөлім:

2. Ғалам. Жер. Адам

Мектеп:

Мерзімі:

Мұғалімнің аты-жөні:

Сынып: 6

Қатысқандар саны:

Қатыспағандар саны:

Сабақ тақырыбы

Мұхиттар табиғатының ерекшеліктері

Осы сабақта қол жеткізілетін оқу мақсаттары (оқу бағдарламасына сілтеме)

6.2.6.2 жоспар бойынша мұхиттар табиғатының ерекшеліктерін анықтау;

 Сабақ мақсаттары

Оқушы:

• Жоспар бойынша мұхиттар табиғатының ерекшеліктерін анықтайды;

 Бағалау критерийлері:

1.Жоспар бойынша мұхиттар табиғатының ерекшеліктерін анықтай алады;

 Тілдік мақсаттар

Оқушылар жоспар бойынша мұхиттардың табиғат ерекшеліктерін анықтап, ауызша түсіндіреді.

Пәндік лексика және терминология:

Мұхит, географиялық орны, флора, фауна, жылы ағыс, суық ағыс, бұғаз, шығанақ, теңіз, суасты жотасы, жанартау, жер бедері.

Айтылымға қажетті сөз тіркестері:

... мұхитының табиғат ерекшеліктері ...

... мұхитының географиялық орны ...

… мұхит түбінің жер бедері …

 Құндылықтарды дарыту

Сабақ сыйластықты, ынтымақтастықты дарытуға бағытталған.

Құндылықтарды дарыту топтық жұмыстарды ұйымдастыру барысында жүзеге асады.

 Пәнаралық байланыстар

Мұхиттардағы жануарларды анықтау барысында биология пәнімен байланыс орнатылады.

Бастапқы білім

Оқушылар 5 – ші сыныпта мұхиттардың зерттеу тарихын сипаттады.

Бастапқы білімді жаңғырту топтық жұмыс барысында мұхиттардың зерттелу тарихын сипаттау арқылы жүзеге асады.

Сабақ барысы

Сабақтағы жоспарланған іс – әрекет

Ресурстар

1. Өткенді қайталау арқылы бастапқы білімді жаңғырту. Оқушылар топтарға бөлінеді. Топтар «5.2.6.2 мұхиттарды зерттеу тарихын сипаттау» атты оқу мақсаты бойынша білімдерін көрсетеді. Оқушыларға әріптер таратылып беріледі. Оқушылар берілген әріптерден бір мұхиттың атауын құрасытырып шығулары қажет. Әр топ өзіне берілген мұхиттың зерттелу тарихына шолу жасаулары қажет.

Топтар жауаптарын сыныпқа ұсынады. Мұғалім оқушылардың жауаптарына толықтырулар енгізеді. Оқушыларға кері байланыс береді.

2. Ой шақыру «Миға шабуыл». Мұғалім оқушыларға келесі сұрақтарды қоя отырып, оқушылардың жаңа тақырып бойынша білімдерін бағалайды.

1) Ең үлкен мұхит?2) Ең суық мұхит?3) Ең кішкентай мұхит?4) Неге Тынық мұхиты "тынық" деп аталады?

5) Мұхиттағы ең ірі жануар?6) Мұхиттардың жер бедері қандай болады?7) Мариан шұңғымасы қай мұхитта орналасқан?

3. Мақсатты тұжырымдау. Оқушылармен бірлесе отырып, сабақтың мақсаттары анықталады.

• Жоспар бойынша мұхиттар табиғатының ерекшеліктерін анықтайды;

Қосымша 1

4. Мұғалім түсіндірме жұмысын жүргізеді.

Мұғалім оқушыларға мұхиттың жер бедерін, оның құрамдас бөліктерін, қасиеттерін түсіндіреді.

5. Бейнеролик «Дүниежүзілік мұхит».

Бейнеролик қарамастан бұрын, оқушыларды бейнеролик бойынша сұрақтарға жауап беретіндері бойынша ескерту қажет. Мұғалім бейнеролик бойынша немесе оқушылар бейнеролик бойынша өзара сұрақтарға жауап береді.

6. Жоспар бойынша сипаттау. Оқушылар мәтінді және атласты пайдалана отырып, өздеріне берілген мұхиттарды жоспар бойынша сипаттайды. Нәтижесін постер түрінде көрсетіп, сыныпқа ұсынады.

Мұхитты сипаттау жоспары:

1. Мұхит атауының шығу тегі

2. Климаттық белдеуі

3. Температурасы

4. Тұздылығы

5. Өсімдігі мен жануарлары

6. Құрамдас бөліктері (теңіз, шығанақ, бұғаз)

1 топ: Тынық мұхиты

2 топ: Атлант мұхиты

3 топ: Үнді мұхиты

4 топ: Солтүстік Мұзды мұхит

Оқушылар өзара бағалау жүргізеді. Мұғалім кері байланыс береді.

7. Сабақты бекіту мақсатында оқушылар «Сандар сөйлейді» тапсырмасын және суретті сипаттау тапсырмасын орындайды. Суретті сипаттау барысында қабілеті төмен оқушылар мұхит түбінің 3 элементін, ал қабілеті жоғары оқушылар 6 элементін табады. Мұғалім оқушыларға кері байланыс береді.

Қосымша 2

8. Рефлексия

Мұғалім сабақ мақсатарына қайта оралып, сабақ мақсаттарына жету деңгейін талқылайды.

Оқушылар келесі сөйлемдерді аяқтау арқылы рефлексия жасайды:

-Мен сабақ мақсатына жеттім, себебі …

-Маған сабақ мақсатына жету қиын болды, себебі …

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Сабақ барысында оқу материалы ақпаратты қабылдаудың түрлі типтерін ескере отырып қолданылады (мәтін, бейнеролик, сурет). Сабақты бекіту кезеңінде қабілеті төмен оқушыларға мұғалім тарапынан көмек беріледі. Қабілеті жоғары оқушыларға күрделендірілген тапсырмалар ұсынылады.

5.2.6.2 мұхиттарды зерттеу тарихын сипаттау оқу мақсаты бойынша бастапқы білімді формативті бағалау. Жақын арадағы даму аймағын анықтауға арналған диагностикалық бағалау.

Сыныпта қозғалыс барысында қауіпсіздік ережелерін сақтау.