Айналамыздағы пайдалы қазбалар. Жаратылыстану, 4 сынып, сабақ жоспары.

Сабақ барысы

Сабақта жоспарланған іс-әрекет

Ұйымдастыру кезеңі. Оқушылардың сабаққа деген қызығушылығын ояту мақсатында төмендегі өлең жолдарын хормен айтады.

Сабаққа келдік оқу үшін,

Ерінуге емес, еңбектену үшін.

Мұғалімді мұқият тыңдаймыз,

Ынтамен жұмыс жасаймыз.

Кіріспе тапсырма.

«Мозайка» ойыны арқылы оқушылардан пайдалы қазбалар туралы білетіндерін еске түсіру. Мозайканың әрбір бөлігіне сұрақ жазу. Жетекші сұрақтар:

• Ресурс деген не? Мысал келтір.
• Ресурстар қайдан алынады? Қалай ойлайсың?
• Табиғи ресурстардың адам өмірінде қандай маңызы бар? Ойыңмен бөліс.
• Адам өз қолымен ресурс жасай алады ма?
• Табиғи ресурстарға мысал келтір.

ҚБ. Мұғалімнің ауызша қалыптастырушы бағалауы.

Геолог.

Оқушылар оқулықпен жұмыс жасай отырып, геолог маманның қызметімен танысады. Бірнеше сұрақтар қойып геологтың пайдалы қазбаларды іздейтін маман екендігін түсінеді.

Жетекші сұрақтар:

• Пайдалы қазбаларды іздейтін адамды кім деп атайды?
• Ол қандай қазбаларды іздейді?
• Геолог қандай болу керек?

ҚБ. Мұғалімнің ауызша қалыптастырушы бағалауы.

Пайдалы қазбалардың топтары.

Мақсаты: Пайдалы қазбаларды топтастыру.

Пайдалы қазбалардың атауына сәйкес оқушыларды топтарға біріктіру.

«Сиқырлы қорапша» ойыны арқылы әр топқа мұнай, темір, құм, асбест, алюминий, газ, әктас, тұз, көмір, фосфор, мыс, граниттің суреттерін таратып беру ұсынылады. Әр топтың мақсаты таратылып берілген суреттерді белгілі бір белгілеріне сәйкес топтастырады. Мысалы, магмалық тау жыныстары, кенді немесе кенсіз пайдалы қазбалар, жанғыш т.б.

Топта ынтымақтаса отырып, өз жауаптарын кез-келген формада айтып, ұсынады.

ҚБ. Мұғалімнің ауызша қалыптастырушы бағалауы.

Ғажайып өзгеру.

Оқулықта берілген суреттерді зерделей келе, олардың байланысын анықтай отырып, бірнеше сұрақтарға жауап беру. Сұрақтар:

• Суреттерде не берілген?
• Ермексазды неден жасайды?
• Техникалық құралдар ше?
• Олардың бір-бірімен қандай байланысы бар?

ҚБ. Мұғалімнің «Смайликтер» арқылы қалыптастырушы бағалауы.

Жоба жаса.

Мақсаты: Пайдалы қазбаларды тиімді пайдалану жолдарын ұсыну.

Ресурстарды таратып беру. Әр жұпқа пайдалы қазбалардың суреттері, желім, қайшы, стикерлер, түрлі-түсті қаламдар мен қағаздар, энциклопедия, пайдалы қазбалар туралы кітапта, ватман.

Жобаның басты сұрағы: Пайдалы қазбаны қалай тиімді пайдалануға болады?

Жоспар:

• Белгілі бір пайдалы қазба туралы не білетіндерін анықтап, ойларымен бөлісу;
• Пайдалы қазба туралы ақпараттармен танысу, пікір алмасу;
• Оларды тиімді қолдану жолдарын таңдап, негіздеу;
• Жобаның нәтижесін өздері ұсынған формада әзірлеу. Қорытындылау.

Саралау: Ынтасы жоғары оқушыларға пайдалы қазбалардың тиімділігін арттыруда қандай құралдарды немесе әдістерді ұсынуды тапсыру.

Тапсырманы орындай отырып оқушылар пайдалы қазбаны тиімді пайдалану пайдалы қазбаны үнемдеумен, қорғаумен тығыз байланысты екендігін түсінеді.

ҚБ. Мұғалімнің «Смайликтер» арқылы қалыптастырушы бағалауы.

Ойлан.

Оқушылар жұптасып «Дәуір» сөзінің мағынасын талқылайды. Ол сөздің уақытты білдіретінін және оның ғасырдан да көп екендігін түсінеді.

Cергіту сәті.

«Күн, жер, су» ойыны. «Күн» дегенде, қолдарын жоғары көтеріп, күнді бейнелейді. «Жер» дегенде, бір орында тұрып, аяқтарын кезек-кезек қозғайды. «Су» дегенде, қолдарымен толқынды бейнелейді.

Өзіндік жұмысты ұйымдастыруға арналған ұсыныстар.

37-жұмыс парағы. «Айналамыздағы пайдалы қазбалар», 39-б.

Жікте. Филвордтан пайдалы қазбаларды табу.

Бағалау. Дескриптор:

Оқушылар:

• Пайдалы қазбаларды біледі;
• Магмалық тау жыныстарын біледі;
• Шөгінді тау жыныстарын біледі;
• Кенді және кенсіз пайдалы қазбаларды біледі;
• Жанғыш пайдалы қазбаларды ажыратабы.

38-жұмыс парағы. «Пайдалы қазбалар туралы не білесің?», 40-41 бб.

Өзіңді тексер. Тест сұрақтарына жауап беру.

ҚБ. Мұғалімнің жазбаша бағалауы.

Кері байланыс.

«Табыс баспалдағы» арқылы өздерін бағалау.

Саралау –оқушыларғақалай көбірек қолдау көрсетуді жоспарлайсыз? Қабілеті жоғары оқушыларғақандай міндет қоюды жоспарлап отырсыз?

Денсаулық пен қауіпсіздік техникасының сақталуы

Материалдарды игеру деңгейлерінде оқушылардың қызығушылығын арттыру мақсатында ақпаратты қабылдаудың әр түрін ескеру. Оқушылардың ақпаратты қабылдауына байланысты тапсырмалар ұйымдастыру.

Сергіту жаттығуларын орындағанда, тақтаның алдында топтық жұмыс жасаған кезде оқушылар сынып ішінде жүргенде қауіпсіздік ережелерін сақтау.