Ғаламшар үшін ауаның маңыздылығы. Жаратылыстану, 2 сынып, сабақ жоспары.

Ұзақ мерзімді жоспар бөлімі:

3-бөлім. Заттар және олардың қасиеттері. Ауа.

Күні:2 тоқсан

Сынып: 2

Мектеп: Көкшетау қ. физика-математика бағытындағы Назарбаев Зияткерлік мектебі

Мұғалімнің аты-жөні :

Қатысқандар:

Қатыспағандар саны:

Сабақ тақырыбы

Ғаламшар үшін ауаның маңыздылығы

Оқу мақсаттары

3.2 Ауа

2.3.2.1 ғаламшарымыз үшін ауаның маңыздылығын түсіндіру

2.1.2.1 «ақпарат көзі» түсінігін және оның зерттеулер жүргізу үшін маңызын түсіндіру

Сабақ мақсаттары

Әр түрлі ресурстарды қолдана отырып, ауаның тіршілік үшін маңыздылығын анықтап, талқылайды, түсіндіреді.

Бағалау критерийлері

Ауаның және ауа тазалығын сақтаудың маңызын түсіндіре алады.

 Сөздік қор

Атмосфера, оттегі, азот, көмірқышқыл газы, таза, тіршілік үшін маңызды, т.б. сөздер мен сөз тіркестерін пайдаланады.

 Құндылықтарды дарыту

Өмір бойы білім алу

Пәнаралық байланыстар

Дүниетану

Алдыңғы меңгерілген білім

1 - сыныпта табиғат туралы өтілген білімдерін қайталау

Сабақбарысы

Сабақта жоспарланған іс-әрекет

I.Ұйымдастыру кезеңі

Психологиялық дайындық:Күндей жадырап,Айдай арайлап,Жұлдыздай жарқырап,Судай мөлдір,таза көңілменБүгінгі сабақты бастаймыз!

ІІ.Қызығушылықты ояту”

Оқушыларға желдің дыбысын тыңдату.

Бұл ненің дыбысы?

-Жел дегеніміз не?ЖұмбақБір нәрсе жер мен көктің арасында. Көрінбейді өзі түгіл қарасы да,

Білінбей жер үстінде жүрсе-дағы,

Пайдалы адамзаттың баласына.Бұл не?

-Қалай ойлайсыңдар, сабақта не жайлы сөйлесеміз?

-Сабақтың соңында қандай жетістіктерге жетеміз деп ойлайсыңдар?

Сабақтың тақырыбы мен мақсатын таныстыру.

(Ж,Ұ,Қ) Ауа деген не, ол қайда, неге ұқсайды – талқылау. Ауаның негізгі қасиеттері туралы сызбаға жазу.

(Ұ)Ауаның басқаша болуы мүмкін жерлер туралы ойланыңдыру (мысалы, биік тауда, қылқанжапырақты орманда).

-Балалар, биіктікте тыныс алу қабілеті мен жаттығулар жасау қандай өзгерістерге ұшырайды?

(Т, Ж, Ө) Шарды үрлету.

Қ:Оқушылар әр түрлі пішіндегі шарларды үрлей ала ма? анықтау.

- Сендер немен және қалай тыныс аласыңдар?

- Демді ұстап қанша уақытқа дейін тұра аласыңдар?

Қосымша ақпарат.

Ауа қабаты бізді және біздің ғаламшарымыз – Жерді қоршап тұр. Осы қабатты атмосфера деп атайды. Ол біздің планетамыз Жерді Күннің радиациясынан қорғайды. Егер ауа қабаты жойылып кетсе, онда тіршілік жойылады. Күннің ыстық сәулесі түгел күйдіріп жібереді.

Жер бетіндегі ауаның қозғалысы жел деп аталады. Жел соққанда ағаштарды шайқайды, жапырақтарды түсіреді. Ауаның құрамы:

Азот-78%

Оттегі-21%

Көмір қышқыл газы-1%

Сергіту сәті: «Қара жорға»  биі

(Ұ, Ж) Оқушыларға ауа туралы тұрақты сөз тіркестерін, мақал-мәтелдерді, жұмбақтарды таратып беру. Бұл тіркестердің мағынасын жұп ішінде бір-біріне түсіндіріп беруін сұраймын. Оқушылардан осы мақал-мәтел, жұмбақтардан ауаның қасиетін қалай білуге болатыны туралы ойландыру.

(Т) Оқушыларға топтарға бірігіп, А3 форматты қағазға суреттер салғызу. Бұл суреттер кейін кинотаспа секілді біртұтас суреттер желісіне біріктіріледі.

Сурет тақырыптарының мысалдары:

• Көгілдір ғаламшар;
• Ағаштар – Жердің өкпесі;
• Машиналар – ауаның жауы;
• Зауыттардың сорайған мұржалары;
• Мұздықтардың еруі;
• Су тасқыны;
• Құрғақшылық;
• Өсімдіктер мен жануарлардың жойылуы;
• Ғаламшарды құтқарамыз

 Суреттерді біріктіріген кезде ғаламшар өмірінің кинотаспасы шығады. Топтарға суреттер бойынша әңгіме құрастырып, сынып алдында оқып не айтып беруді ұсыну.

(Ө,Қ)Өздік жұмыс

Тапсырма:Суреттерге сүйеніп, сұраққа жауап жазыңыз.

Ауа не үшін қажет?

• ____________________________________________
• ____________________________________________
• ____________________________________________
• ____________________________________________

• Рефлексия

Қарастырылған мәліметтер бойынша қорытынды жасау.

• Сабақ сендерге ұнады ма?
• Ең басты сабақта не ұнады?

-Не қызықты болды?

• Не қиындық туғызды?

Бағалау

Оқушылар басбармақ арқылы өздерін бағалайды.

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Оқушылардың ауа жайлы білімдері бағаланады

Денсаулық сақтау технологиялары.

Қолданылған сергіту сәті мен белсенді оқыту әдістері

Сабақ барысында қауіпсіздік ережесін сақтау.

Бұл бөлімді сабақ туралы өз пікіріңізді білдіру үшін пайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.