Қозғалыс деген не? Жаратылыстану, 1 сынып, сабақ жоспары.

Күш және қозғалыс

Мектеп: Ж.Мырзағалиев

Күні: 19.02.16ж

Мұғалімнің аты-жөні: Саттарова Б

Сынып: 1 «б»

Қатысқандар саны:

Қатыспағандар саны:

Қозғалыс деген не?

1.5.1.1. «Қозғалыс» ұғымын түсіндіру.

1.5.1.2. Түрлі денелердің қозғалысын мысалға келтіру.

1.5.1.3. Табиғат пен адамдар өмірлеріндегі қозғалыстың маңыздылығын анықтау.

Дағдыларды дамыту.

Болжамдар айту жəне оларды сөйлемде дұрыс қолдану; белгілі бір сұрақтарды ашу жəне түсіндіру; сөздікті өзектендіру.

Көптілдік:движение – қозғалыс – motion.

Негізгі терминдер мен сөз тіркестері:қозғалыс, физика, физик ғалымы,

денелердің қозғалысы.

Сабақ барысында сөйлесу/жазу үшін қолданылатын тіл:

Талқыланатын сұрақтар.

Билеп, жүгіріп, ойнап жүрген балаларды не ортақтастырады? Заттың кеңістіктегі орындарын не өзгертеді?

Адам үшін қозғалыс неге соншалықты маңызды?

Барлық заттардың орнын ауыстыруы мүмкін екендігі туралы негізгі білімдер; доппен ойнау, ойыншық машинаны жүргізу. Шынықтырылған физикалық дағдылар мен білімдер

Жоспарланған жұмыс түрлері

(Ұ) Мұғалім «Қал қалай? Осылай!» ойынын ұсынады.

Əр сұраққа балалар хормен «Осылай!» деп жауап береді де, қолмен дұрыс бағытты көрсетеді (əрекет).

Қал қалай? – Осылай! (Бас бармағын көтереді).

Жүріс қалай? – Осылай! (Алақанда екі саусақпен «адымдайды»). Жүгіріс ше? – Осылай! (Қолдарын шынтағынан бүгіп, жүгіргендегідей етіп қозғалтады).

Түнгі ұйқы? – Осылай! (Қолдарын бетінің астына салып, бастарын түсіреді).

Аласың ба? Осылай! (Қолдарымен қармайтын əрекеттер жасайды). Бергенде ше? – Осылай! (Қолдарымен бір затты беріп тұрғандай қозғалтады).

Ойын қалай? – Осылай! (Езулерін ауаға толтырып, оларды алақандарымен ұрады).

Ұрысқанда? – Осылай! (Саусағымен көршісін қорқытады)

(Ұ) Ұстаз балалар қазір не істегендерін сұрайды. (Жаттығулар орында- ды, қозғалды). Айналамызда тағы не қозғалады?

Қызығушылығын ояту(топтық жұмыс)

1-топ:Машинаны қозғалысқа келтіру

2-топ: арба мен шананы қозғалысқа келтіру

3-топ: есікті қозғаллысқа келтіру

(Ұ) Ұстаз балалар қазір не істегендерін сұрайды. (Балалардың болжамдары тыңдалады).

Қозғалыс деген не? Бұл сабағымыздың тақырыбы. Біз бұл туралы не білеміз? Қозғалыс деген не жəне адамдардың өмірінде оның рөлі қандай.

. Ойланайық…

……қозғалыс – заттардың орнын ауыстыруы.

… тек тірі организмдер ғана қозғалмайды деп болжайық.

……қозғалыс адам өмірінде үлкен рөл атқарады деп ойласақ?

(Ұ, МК) Өзекті сұрақтар.

Ойланыңдар, түрлі денелердің қозғалысына мысалдар келтіріңдер. Тек тірі организмдер ғана қозғала ала ма? Оқушыларға жел күшін, бұлттардың көшуі, жаңбыр, қар ұшқыны, көшкіннің жүруі, өзеннің ағуы жəне т.б. туралы фильм көрсеткен жөн.

(Ұ,МК) Балалар, жаңа білім алудың тағы бір қызықты əрі қолжетімді тəсілі – бақылау. Адамның айналадағы ортаны зерттеуге талаптануы көптеген аспаптардың пайда болуына əкелді. Бақылауды ненің көмегімен жүргізуге болады, ойланыңдар жəне болжамдаңдар. Олар: қарапайым лупа, дүрбі, микроскоп, перископ, түнде көруге арналған аспаптар. Біздің дыбыстарды жəне тіпті электромагниттік толқындарды айыру қабілетімізді арттыратын құрылғылар да бар, олардың барлығын зерттеулерде қолдануға болады.

(Ұ) Өзекті жағдай.

Қозғалыс құстарға, балықтарға жəне жануарларға тіршілік етуге қалай көмектеседі? (Жыртқыштардан қашады, азық табады, жəне т.б.). Өсімдіктер əлемінде ше? (көбейеді, өседі ...).

(МК) Ал адам не істей алады? (Оқушылардың болжамдары)

Ұстаз ақпараты: адам табиғатынан қимылға икемделген. Сондықтан біз кеңістікте орын ауыстырамыз, жүгіреміз, адымдаймыз, секіреміз, еңбектейміз, жүземіз, күні бойы мыңдаған иілулер, бүгілулер, бұрылыстар жасаймыз. Оның барлығын қозғалыс аппараты қамтамасыз етеді. Ол сүйектерді, оларды байланыстырушы тіндер мен бұлшық еттерді қамтиды.

(Ө, Қ)

1-тапсырма: Өзің саяхатқа шыққанда отырған көлік түрлерін боя

2-тапсырма: Жануарларға қозғалуға көмектесетін денелерінің

бөліктерін қорша.

3-тапсырма: Суреттердің қайсысы артық екенін белгіле.

Өз таңдауыңды түсіндір.

Мұғалім балалардың бүгін қандай ғалым болғандығын сұрайды. Нені зерттедіңдер? Көбінесе есте қалғаны не? Тағы не туралы білгілерің келеді? Жақындарыңа итеріліс пен тарту туралы не айтып бере аласыңдар?

Ұстаз оқушылардан сабақтағы жұмыстарын түрлі-түсті стикерлерді бағалауды сұрайды,

1 деңгей – ештеңе түсінген жоқпын.

2 деңгей – түсіндім, бірақ түсіндіре алмаймын.

3 деңгей– барлығын түсіндім, басқа адамға түсіндіре аламын.

Бағалау: ойыншықтар арқылы

Дифференциация. Оқушыларға көмектесуді қалай жоспарлайсыз? Қабілеті жоғары балаларға қандай тапсырмалар беруді жоспарлай- сыз?

Бағалау – оқушылардың ілгерілеуін/білімдерін қалай қадағалайсыз?

Пəнаралық байланыс

«Өзін өзі тану»

«АКТ»

Құндылықтар

Əр бала өзінің тапсырмасын орындағаннан кейін тобына қызықты жəне жаңа бір мəлімет айтуы керек.

Неғұрлым үлгеретін оқушыларға өз бетінше компьютерді (ғаламторды) қолдануға мүмкіндік беру.

Ойлау тəжірибесіндегі көшбасшылық.

Өз бетіндік жұмысты орындау деңгейі.

Қойылған іздеу сұрақтарына жауаптардың түрлілігі.

Күнделіктегі тапсырманы орындау, деректерді өңдеу.

Құндылықтар – қызығушылық, танымпаздық, қоршаған ортаны тану.

Пропедевтика – физика.

Бақылаулар Оқыту/сабақтың мақсаттары қолжетімді болды ма?

Бұл жерді сабақ бойынша бақылауларыңызды жазып қою үшін пайдаланыңыз. Сол жақ бағанда жазылған, сіздің сабағыңыз жөніндегі сұрақтарға жауап беріңіз.

Қорытынды бағалау

Сабақ барысында неғұрлым сəтті өткен екі сəтті атаңыз (оқытушы тарапынан да, оқушы тарапынан да...)

1.

2.

Сабақты жақсартуға əсер етер екі сəтті атаңыз (оқытушы тарапынан да, оқушы тарапынан да...)

1.

2.

Жалпы сынып пен жеке оқушы туралы жаңа не білдім жəне бұл келесі сабақтың өтуіне қалай əсер етеді?