Қазақстан Республикасындағы тұтынушылар құқығын қорғау механизмдері. Құқық негіздері, 11 сынып, сабақ жоспары, 2 - сабақ

Ұзақ мерзімді жоспар бөлімі:

Мектеп:

Тұтынушылар құқығының жүзеге асырылуы

Мұғалімнің аты жөні:

Күні:

Сынып: 11

Қатысқандар саны:

Қатыспағандар саны:

Сабақтың тақырыбы

Қазақстан Республикасындағы тұтынушылар құқығын қорғау механизмдері (2-сабақ)

Сабақтың мақсаты

Тұтынушылар құқығының жүзеге асырылу механизмдерін түсіндіру

 Оқу мақсаты

Қылмыстық, әкімшілік, азаматтық кодекстердің жеке нормаларын қолдана отырып, тұтынушылар құқығын қорғау механизмдерін анықтау

 Бағалау

 критерийлері

• Тұтынушы құқықтарын біледі;
• Тұтынушы құқығын қорғау жолдарын түсіндіреді;
• Тұтынушы құқықтары бұзылған жағдайда қорғау жолдарын ұсынады;
• Тұтынушылардың құқықтары мен міндеттерін талдайды

 Тілдік мақсаттар

Оқушылар Тұтынушы құқықтарын қорғау туралы Заң баптары келтірілген мәтінді оқып, сұрақтарға жазбаша жауап жазады (оқылым және жазылым дағдысы);

Тұтынушылардың құқықтары мен міндеттерін ауызша талдайды (айтылым дағдысы).

 Құндылықтарды

 дамыту

Тұтынушы құқығының сақталуы және қорғалуы негізінде адалдық, айқындық, шындық, силастық, төзімділік құндылықтары дамиды

 Пәнаралық

 байланыстар

Экономика, Қазақстан тарихы

 АКТ қолдану

 дағдылары

Сабақ барысында интерактивті тақта арқылы таныстырылым жасалады:

Оқушылардың ғаламторды пайдалану мен қажетті ақпаратты алу дағдылары дамиды.

 Бастапқы білім

Мұрагерлік құқық

Сабақтың барысы

Сабақтағы жоспарланған іс-әрекет

БЫМ Оқушыларға «Тұтынушылар өз құқығын біле ме?» деген тақырыпта бейнебаян көрсетіледі және төмендегідей сұрақтар қойылады:

• Тұтынушының қандай құқықтары бар?
• Тұтынушы құқығы қандай жағдайда тапталады?
• Аталған мәселені қалай шешуге болады?

М Сынып оқушылары сабақтың тақырыбы, оқу мақсаты және бағалау критерийлерімен таныстырылады.

Зерттеу сұрақтары:

• Тұтынушылардың қандай құқықтары бар?
• Сатушының міндеттері қандай?
• Тұтынушы құқығын қорғау механизмдері қандай?

Т Оқушыларға «Тұтынушылардың құқықтарын қорғау туралы» ҚР Заң баптары келтірілген қосымша мәтін ұсынылады. Мәтін негізінде төмендегідей тапсырма орындалады. Оқушылар жұптасып, мәтін бойынша берілген сұрақтарға өз жауаптарын жазып, жауаптарын өзге жұптармен алмастырады. Өзге жұптардың жауаптарымен танысу барысында олар бір-бірінің жауаптарын толықтырады.

Тапрсырма:

Қосымша мәтінді және өткен сабақтағы біліміңді қолданып, төмендегі сұрақтарға жауап беріңдер:

1. Сатушы мен тұтынушы арасындағы даулар неден туындайды?

2. Оларды шешу жолдары қандай?

3. Дайындаушылар/сатушылар мен тұтынушылардың өз құқықтарын білуі қаншалықты маңызды?

Дескрипторлары. Оқушы:

• Берілген уақытты тиімді пайдаланады;
• Сатушы мен тұтынушы арасындағы келіспеушіліктердің себептерін анықтай алады;
• Сатушы мен тұтынушы арасындағы дауға мысал келтіре алады,
• Сатушы мен тұтынушы арасындағы даулардың шешу жолдарын ұсына алады;
• Сатушы мен тұтынушының құқықтарын білудің маңызын анықтай алады.

Т Оқушыларды шағын топтарға біріктіріп, «Тұтынушы нарықтың патшасы ма, әлде құрбаны ма?» деген тақырып төңірегінде топтық жұмыс ұйымдастырылады.

Тапсырма:

• І-топ. «Нарық патшасы»
• ІІ- топ. «Нарық құрбаны»

Топ мүшелері өз тақырыптарына қатысты дәйектерді жинақтап, ойларын дәлелдейді, Әр топ өз жұмыстарын постер ретінде жасап, сынып қабырғаларына іледі. Әр топ өзге топты «Екі жұлдыз, бір тілек әдісі» бойынша бағалайды.

Топтық жұмыстың дескрипторлары:

• Топ спикерін өзара тағайындау;
• Берілген уақытты тиімді пайдалану;
• Топтық жұмысқа барлық оқушы қатысу;
• Өзге топ спикері жұмыс қорғаған кезде мұқият тыңдау;

Құрдастарының пікірін құрметтеу.

Б Оқушыларға бүгінгі сабақтан алған білімдерін жинақтап, тұтынушы құқықтарының бұзылуына байланысты наразылық хатын жазуға тапсырма беріледі. Оқушылар жазған наразылық хатын қасындағы жұбымен алмасып, бір-біріне комментарий жазады.

Тапсырма:

Тұтынушы құқықтарының бұзылуына байланысты, төмендегі мысалдардың бірін таңдап, наразылық хатын жазыңыз. Мысалы:

1. Жаңа ғана сатып алынған аяқ киімнің жыртылып қалуы.

2. Шашты құрғататын құралдың жөнді жұмыс істемеуі.

3. 10000 км шақырым жүріп өткен көлік ретінде сатылған көлік сынғаннан кейін іс жүзінде 50000 км шақырым жүріп өткені анықталғандығы.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып іріктеу (Гарднердің жиындық зият теориясы) түрінде болуы мүмкін.

Саралау уақытты ұтымды пайдалануды есепке ала отырып, сабақтың кез-келген кезеңінде қолданыла алады

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

Сабақты жақсартуға не ықпал ете алады (оқыту туралы да, оқу туралы да ойланыңыз)?

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?