Мемлекет қоғамның саяси жүйесінде. Құқық негіздері, 11 сынып, сабақ жоспары.

САБАҚ

Құқық негіздері

Мектеп:

Уақыты:1 сағат

Мұғалімнің аты - жөні:

Сынып:

Қатысқан оқушылар саны:

Сабақ тақырыбы

Мемлекет қоғамның саяси жүйесінде

Осы сабақ арқылы жүзеге асырылатын оқу мақсаттары

11.1.1.5 - қазақстандық қоғамның саяси жүйесінің негізгі элементін анықтау

 Сабақтың мақсаты

Қазақстандық қоғамның саяси жүйесі түсінігі ашылады, мемлекет оның негізгі элементі ретінде қарастырылады

 Бағалау критерийлері

Білу мен түсіну

Саяси жүйе және оның элементтері туралы біледі

Қолдану

Мемлекет қоғамның саяси жүйесінің элементі ретіндегі белгілерді Конституция баптарымен сәйкестендіреді

 Тілдік мақсаттар

Пәндік лексика мен терминология:

Мемлекет, саяси жүйе, саяси партия, оппозиция, лоббистік ұйым

Диалог құруға қажетті сөздер топтамасы:

Мен...деп ойлаймын

Біздің тобымыздың ойынша....

Біздің анықтағанымыз...

Оған дәлел болады....

Алдыңғы меңгерілген білім

Дүние жүзі тарихы, Қазақстан тарихы

Сабақ барысы

Сабақта орындалатын іс - әрекеттер

Оқыту ресурстары

Оқушыларды сабақ тақырыбымен, оқу мақсаттарымен, бағалау критерийлерімен таныстыру.

Төмендегі сұрақтарды қою арқылы сыныптық талқылау жүргізу:

- Қоғамның саяси жүйесі дегенді қалай түсінеміз?

- Қоғамға саяси жүйе не үшін қажет деп ойлайсыңдар?

- Саяси жүйенің маңызын қалай бағалар едіңдер?

Балалардың ойын тыңдаған соң саяси жүйенің анықтамасын тақтада көрсету:

Қоғамның саяси жүйесі дегеніміз - елдің саяси қызметіне қатысып, саяси билікті жүзеге асыратын саяси институттардың, ұйымдардың, топтар мен жекелеген адамдардың жиынтығы.

Қазақстан Республикасы нормативтік құқықтық актілерінің ақпараттық-құқықтық жүйесі.

http://adilet.zan.kz

Сапаргалиев Ғ. Ибраева А. Мемлекет және құқық теориясы. Оқу құралы. -Алматы, 1997жылы.

Жоламан Қ.Д. «Мемлекет және құқық теориясы». – Алматы: Нұр-пресс, 2007.

Ж.Берілген таратпа материалының 1 қосымшасына сәйкес жұппен келесі тапсырманы жазбаша орындайды:

1. Саяси жүйенің элементтерін анықтау

2. Саяси жүйе элементтерінің қоғамдағы мақсатын атау

3. Саяси жүйенің ең негізгі элементін табу

Т. 1. Қосымша 2 мен Қазақстан Республикасы Конституциясының баптарын пайдалана отырып, төмендегі кестені толтырады:

Әр топ жазғандарын сынып ішінде оқып, бір-бірімен салыстырады, бағасын береді.

2. Топта неліктен мемлекет саяси жүйенің негізгі элементі екендігін талқылау қажет. Жауаптарын төмендегідей тұжырымдайды:

• Біздің тобымыздың ойынша....
• Біздің анықтағанымыз...
• Оған дәлел болады....(екі дәлел келтіру)

Рефлексия

• Сабақта нені білдік?
• Сабақ көңілдеріңізден шықты ма?
• Сабақ сіздерге қандай ой салды?