Қылмыстық процестің міндеттері мен қағидаттары. Құқық негіздері, 10 сынып, сабақ жоспары.

Ұзақ мерзімді жоспар бөлімі:

Іс жүргізу құқығының негіздері

Мектеп:

Сағат саны: 1

Мұғалімнің аты - жөні:

Сынып: 10

Қатысқан оқушылар саны:

Сабақ тақырыбы

Қылмыстық процестің міндеттері мен қағидаттары

Осы сабақта қол жеткізілетін оқу мақсаттары

Қылмыстық іс жүргізуде қылмыстық процестің негізгі міндеттері мен қағидаттарының маңыздылығын түсіндіру

 Сабақтың мақсаты

10.4.1.1 қылмыстық процестің негізгі міндеттері мен қағидаттарын түсіндіру

 Бағалау

 критерийлері

• Қылмыстық процестің мiндеттерi мен қағидаттарын біледі.
• Қылмыстық іс жүргізуде қылмыстық процестің міндеттері мен қағидаттарын ескерудің маңыздылығын түсіндіреді.
• ҚР Қылмыстық-процестік Кодекстің баптарына сүйеніп, құқықтық ситуацияның шешімін шығарады.

 Тілдік мақсаттар

Қылмыстық процесс, қылмыстық құқық бұзушылық, бейтараптық, тергеп-тексеру, қылмыстық жауаптылық, ақтау, қағидат, дәлелдеме, сот, прокурор, тергеуші.

Диалогқа/жазылымға қажетті тіркестер:

Оқушылар  кейс-стади технологиясы бойынша тапсырмаларды орындау арқылы жазылым және айтылым дағдыларын дамытады.

Қылмыс процестің міндеттеріне жатады: ...

Қылмыстық іс жүргізу келесі кезеңдерден тұрады: ...

Қылмыстық істің қағидаттары ... болып табылады.

Мен келісемін (-пеймін), себебі …

Менің ойымша бұл топтың жұмысы нәтижелі болды, себебі ...

Құндылықтарды дамыту

Құндылықтар:

-тұлғааралық қарым-қатынасты дамытуға және бағалауға мүмкіндік беретін жұптық және топтық жұмыстарды қолдану;

- жеке тұлғаның пікірін ескеру және әрбір ойдың құндылығын құрметтеу;

- оқушы бойында дарытатын құндылықтар: патриотизм, ұлттық сана-сезім, төзімділік.

Пәнаралық байланыстар

Өзін-өзі тану, экономика.

АКТ қолдану дағдылары

Ғаламтордан ресурстар табу дағдылары дамытылды.

Алдыңғы меңгерілген білім

Қылмыстық процесс ұғымын біледі.

Сабақ барысы

Сабақта орындалатын іс - әрекеттер

Оқыту ресурстары

БЫМ (Бастапқы ынталандырушы материал)

Б Сыныпқа бейнероликті көрсету арқылы «Миға шабуыл» әдісін қолданып, қылмыстық процесс ұғымы аясында дискуссия ұйымдастыру. Дискуссия соңында сұрақтар қояды.

• Бейнероликте қандай қылмыс түрлерін байқадыңыздар?
• Қылмыстық істер не үшін қозғалады?
• әдiл сот талқылауын жүргізу үшін қандай кедергілер бар?
• Қылмыскерлер неге қылмыстық жауаптылыққа тартылады?
• Белгілі бір жаза тағайындауда қылмыстық заңды дұрыс қолданудың қандай маңызы бар?

М Оқушылар тақырыпты, оқу мақсатын болжайды. Мұғалім бағалау критерийлерімен таныстырады. Тақырыпқа сай мозайка жинау арқылы 4 топқа бөледі.

https://www.youtube.com/watch?v=FNcXqPElDko

Зерттеу

Мәтінмен жұмыс

Ж/Т Қылмыстық процестің мiндеттерi мен қағидаттары туралы Қазақстан Республикасының Қылмыстық-процестік кодексiнің баптары таратылады (Қылмыстық процестің мiндеттерi, Қылмыстық процестің қағидаттары және олардың мәнi, Заңдылық, Сот төрелігiн соттың ғана жүзеге асыруы, Адамның және азаматтың құқықтары мен бостандықтарын сот арқылы қорғау, т.б.).

Оқушылар жұпта қарастырған мәселелері бойынша қорытынды жасайды.

Топтық жұмыс

Т Топтарға құқықтық ситуация таратылады. Осы ситуацияның толық шешімін шығару үшін оқушылар қылмыстық істің кезеңдерін көрсетеді.

Мысалы,

1-топ. Сотқа дейінгі сатылар (қылмыстық істі қозғау, алдын-ала тергеу жұмыстары)

2-топ. Сот кезеңі (қылмыстық істің материалдарын сот отырысына дайындау, бірінші сатыдағы сотта іс жүргізу)

3-топ. Сот кезеңі (екінші сатыдағы сотта іс жүргізу, үкімді орындау)

4-топ. Ерекше сатылар (қадағалау сатысы, жаңа немесе жаңадан ашылған мән-жайларға байланысты қылмыстық сот ісін қайта бастау)

ҚР Қылмыстық-процестік кодекстің баптарына сүйене отырып, топтық жұмысты көрсетуін сұраңыз. Сондай-ақ, оқушылар қылмыстық процестің міндеттері мен негізгі қағидаттарын ескеруі тиіс. Топтық жұмысқа қатыспайтын оқушылар сыртқы сарапшылар ретінде қорытынды жасайды.

Интерпретация

Б Жазбаша тапсырма. «Қылмыстық іс жүргізуде қылмыстық процестің міндеттері мен қағидаттарын ескеру қаншалықты маңызды?» деген тақырыпқа қорытынды түйін жазу.

1-қосымша

Қазақстан Республикасының Қылмыстық-процестік Кодексі, 2014 жылғы 4 шілдедегі № 231-V ҚРЗ, 8-31 баптар.

Сынып кабинетін сотқа дейінгі және сот процесіне лайықты етіп дайындаңыз.

2-қосымша

Ситуация:

Азаматша Бейсенкүл өзінің терезесінен бірнеше күн бойына екі жасөспірімді қадағалады. Екі жасөспірім көрші қабаттағы үйде тұрады. Қанат пен Жомарт бірнеше күн қатарынан азамат Есеновтың машинасын түртіп айналып қарап жүрді. Бір күні таңертең Есенов есігінің алдына шықса машинасының екі доңғалағы жоқ екен. Бұны естіген Бейсенкүл есіктің алдына шығып: «Сенің машинаңның доңғалағын ұрлаған Қанат пен Жомарт. Өйткені олар сенің машинаңды бірнеше күн бойы айналшықтап жүрген», - деді.

Рефлексия.

Сабақ соңында оқушылар рефлексия жүргізеді:

- нені білдім, нені үйрендім

- нені толық түсінбедім

- немен жұмысты жалғастыру қажет.

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?