Құқықтық мемлекет түсінігі және оның қағидаттары. Құқық негіздері, 10 сынып, сабақ жоспары, 2 - сабақ.

Ұзақ мерзімді жоспар бөлімі:

Құқықтық мемлекет және азаматтық қоғам

Мектеп: Шымкент қаласы химия-биология бағытындағы Назарбаев Зияткерлік мектебі

Күні:

Мұғалімнің аты-жөні: Бейсенов М.Қ.

Сынып: 10

Қатысқандар саны:

Қатыспағандар саны:

Сабақ тақырыбы

Құқықтық мемлекет түсінігі және оның қағидаттары

Осы сабақта қол жеткізілетін оқу мақсаттары

10.1.2.1 құқықтық мемлекеттің қағидаларын айқындау

10.1.2.2 әлемдік тәжірибедегі құқықтық мемлекеттің мәні мен функционалдық маңызы туралы білімін көрсету

 Сабақ мақсаты

Құқықтық мемлекеттің мәнін анықтау

 Бағалау критерийлері

Білу және түсіну

Құқықтық мемлекетке тән белгілерді анықтайды

Талдау

Қазақстан және өзге мемлекеттердің құқықтық мемлекет ретіндегі белгілерін интеллект карта арқылы көрсетеді

Бағалау

Құқықтық мемлекеттің маңыздылығын анықтап, баға береді (Құқықтық мемлекет не себепті қажет? сұрағына жауап береді)

 Тілдік мақсаттар

Пәнге қатысты терминология

• құқық
• азамат
• адам
• азаматтық
• конституциялық құқықтар мен бостандықтар
• жеке адамның конституциялық міндеттері
• зайырлы, әлеуметтік,

құқықтық мемлекет

Құқықтық мемлекет / азаматтық қоғам дегеніміз...

Құқықтық мемлекет қамтамасыз етеді...

Адам мен азаматтың құқықтарына/бостандықтарына/міндеттеріне жататыны: ...

Адам және азаматтың негізгі құқықтары келесі баптарға сүйенеді...

Адам мен азаматтар міндетті: ...

Қазақстан әлемде өзін құқықтық мемлекет ретінде жариялайды, себебі ....

Құндылықтарды дарыту

•  Құрмет (топтық жұмыстағы өзара құрмет, бір-бірін тыңдауы және уақыт ережелерін сақтау, заңға құрмет, өзгелердің меншігіне және мемлекеттің меншігіне құрметпен қарау, сақтау, бүлдірмеу)
•  Азаматтық жауапкершілік (заңды сақтау, міндеттерді орындау арқылы)
•  Қазақстандық патриотизм (ҚР Конституциясы мен негізгі заңнамаларын оқып, үйрену арқылы)
•  Ынтымақтастық (жұмыс беруші мен қызметкер арасындағы қатынасты оқып үйрену арқылы)

Пәнаралық байланыстар

Тілдік пәндер, гуманитарлық пәндер

Мектеп бағдарламасы көлемінде гуманитарлық пәндер бойынша алған білімдері мен күнделікті өмірдегі әлеуметтік тәжірибелерін,сондай-ақ БАҚ көздерінен берілетін ақпараттарды қолданады.

АКТ қолдану дағдылары

Берілген Интернет ресурстармен қажетті ақпаратты іздеу және өңдеу дағдылары

Бастапқы білім

Мектеп бағдарламасы көлемінде 9 сынып «Құқық негіздері» пәні бойынша алған білімдері мен күнделікті өмірдегі әлеуметтік тәжірибелерін, сондай-ақ БАҚ көздерінен берілетін ақпараттарды қолданады. Сонымен қатар Қазақстандағы қазіргі кездегі құқықтық және саяси-әлеуметтік оқиғалардан хабардар.

Жаһандық азаматтылық

Құқықты мемлекеттің белгілерін талдай отырып, сол деңгейге жету жолдарын талқылау барысында әлемдегі басқа елдердің тәжірибелерін қарастырып, салыстыру. Құқықты мемлекет ұғымының жалпы жаһандық түсінікке айналып бара жатқанына көз жеткізу.

Сабақ барысы

Сабақтағы жоспарланған іс-әрекет

Т Осы тақырыптың бірінші сабағында топтарға бөлініп, дайындаған материалдарын қорытады.

1-топ Қазақстан

2-топ Европа мемлекеттерінің бірі

3-топ Латын Америкасы мемлекеттерінің бірі

4-топ Азия мемлекеттерінің бірі

5-топ Африка мемлекеттерінің бірі

Сыныпты топқа бөлу кезінде оқушылар санын ескеру қажет, оқушылар санына қарай топ санын азайтуға немесе көбейтуге болады.

Т Топтар өз жұмыс нәтижелерін қорғайды.

ҚБ Тыңдаушы топтар және мұғалім қорғаған топқа ауызша кері байланыс беріп отырады.

Қ Бұл оқу үдерісінде оқушылар бойына Құрмет және Ынтымақтастық атты мемлекет құндылықтары дарытылады.

Ж «Қазақстан әлемде өзін құқықтық мемлекет ретінде жариялайды» атты тақырыпта шағын ой-толғау жазады.

ҚБ Мұғалім сабақ соңында оқушылар дәптерін жинап алып тексереді.

Қ Бұл оқу үдерісінде оқушылар бойына Азаматтық жауапкершілік және Қазақстандық патриотизм атты мемлекет құндылықтары дарытылады.

Жаңа тақырыпты қорытындылаймыз және бекітеміз. Үй жұмысы бойынша қысқаша инструктаж:

Рефлексия

Жалғастырыңыз:

Маған ... қызықты болды

Маған ... бұл болашақта қажет болады

Бұл ... қиындық туғызды

Осы ... мені ойландырды

Саралау

Сабақта визуалдар мен аудиалдар үшін жеткілікті материалдар дайындалған. Тапсырманы оқушылардың өздеріне дауыстап оқыту және тақтада презентация ретінде көрсету қамтамасыз етілген. Топтық жұмыста қабілетті оқушылар басқа оқушыларға кейбір терминдер мен ұғымдарды түсіндіру, жағдаяттарды талдау жұмыстарын жүргізеді.

Бағалау

Жетістік критерийі бойынша өзара бағалау және өзін-өзі бағалау.

Сабақ барысында басымдық берілетін ең маңызды критерий – ғылыми тілді пайдалану

Денсаулық және қауіпсіздік техникасының сақталуы Компьютермен және басқа да техника түрлерімен жұмыс жасау ережелері

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?