Б. Мұқай «Өмірзая» романы. Қазақ әдебиеті, 11 сынып, таратпа материал. 1 сабақ.

1-тапсырма. Берілген сұрақтарға жауап береді.

• Баққожа Мұқай шығармашылығымен таныссыз ба?
• Сіздің ойыңызша, Баққожа Мұқай оқырмандарына қандай шығармалар ұсынды? Неліктен?
• Өмірзая сөзінің мағынасы қандай? Қандай дәлел келтіруге болады?
• «Өмірзая» романында қандай кейіпкерлер болуы мүмкін?
• Қалай ойлайсыз, Баққожа шығармаларының ұрпақ үшін құндылығы неде?

2-тапсырма. Берілген тұжырымдар бойынша өз ойларын ортаға салады.

• «Б.Мұқайдың «Өмірзая», Р.Мұқанованың «Мәңгілік бала бейне» шығармаларындағы тоталитарлық дәуірдің шындығы».
• «Баққожа Мұқайдың «Өмірзая» романы – Кеңес заманының озбырлығы мен оспадар саясатын әшкере еткен аз кітаптардың бірі және бірегейі».

3-тапсырма. Оқушылар шығарманың сюжеттік-композициялық құрылымына талдау жасайды.

А) Шығарма сюжеттік-композициялық құрылымы:

• сюжеттің басталуы;
• сюжеттің байланысы;
• сюжеттің дамуы;
• сюжеттің шиеленісуі;
• сюжеттің шарықтау шегі;
• оқиғаның шешімі.

Ә) Шығарманың жанрлық ерекшелігін анықтайды.

Бағалау. «Табыс баспалдағы»

Дескриптор:

• тұжырымдар бойынша пікірлерін білдіреді.
• шығарманың сюжеттік-композициялық құрылымына талдау жасайды;
• шығарманың жанрлық ерекшелігін анықтайды.

Ойтолғаныс кезеңі. Жеке жұмыс

Оқушылар сабақты бекіту мақсатында берілген кестені толтырады.