Мұхтар Әуезов «Абай жолы» роман-эпопеясы. Қазақ әдебиеті, 11 сынып, презентация. 13 сабақ.

Ғасырлық туынды

М. Әуезов «Абай жолы» роман-эпопеясы

Оқу мақсаты:

11.3.3.1 шығарманы идеясын көркемдік-эстетикалық құндылық тұрғысынан талдап, әдеби эссе жазу;

Сабақ мақсаты:

Шығарамадағы автор идеясын көркемдік құндылық тұрғысынан жан – жақты талдап, әдеби эссе жазу.

Бағалау критерийлері:

• Шығарма идеясын анықтайды

• Көркемдік құндылық тұрғысынан талдайды

• Өзіндік ойын білдіреді

• Әдеби эссе жазады

• Құрылымын сақтайды

• Сауатты жазады.

Қызығушылығын арттыру:

•«Абай жолы» романын тарихи шығарма деуге негіз бар ма?

•«Абай жолы» роман-эпопеясын неліктен «ХІХ ғасырдағы қазақ өмірінің көркем энциклопедиясы» (Қ.Сәтбаев) деп бағалады?

Топтық жұмыс:

Әр топ сұрақтарды суырып, эссе туралы қысқаша ойарын ортаға салады, еске түсіреді.

- Эссе құрылымы

- Кіріспені қалай жазу керек?

- Тезистік ой деген не?

- Негізгі бөлімде не жазылады?

- Жақсы эссе болу үшін не қажет?

Эссе құрылымы.

Кіріспе бөлімі 2 ойдан тұрады: Жалпы пікір – оқырман көңілін аудару мақсатында жазылады және бірнеше сөйлемнен тұруы мүмкін; тезистік пікір – эсседегі талқыланатын негізгі ойлардан тұрады және ол тақырыптық сөйлемге ұқсайды. Яғни оқырманға эссе мазмұны туралы жалпы идеяны береді.

Негізгі бөлім – бір немесе бірнеше абзацадан тұрады. Әр абзацада бөлімдерге бөлінген тақырыпшалар дамытылады, ойларды талқыланып ашылады. Олардың саны бөлінген тақырыпшаларға байланысты.

Қорытынды бөлім- негізгі бөлімде талқыланған мәселелерді қорытып, бір тұжырымға келген сөйлемдерден тұрады.

Жеке жұмыс:

Оқушылараға 2 тақырып ұсынылады. Әркім өз қалауы бойынша тақырыпты таңдап, шағын эссе жазады.

1. Жазушы Мұхтар Әуезовтың өз шығармасы туралы «Абай жатқан дария, мен одан шөміштеп алдым»- деп айтуында қандай ой жатыр?

2. Шығармадағы салт – дәстүрлер қаймағы бұзылмаған қазақ халқының шынайы бейнесін суреттейді.

Бағалау, кері байланыс:

«Сен маған, мен саған» қарама – қарсы отырған жұптар өз жұмыстарын алмастырып алып оқып, критерийлер арқылы бағалайды, сындарлы кері байланыс береді