Заман, дәуір тұлғасы. Қ.Жұмаділов «Тағдыр» романы . Қазақ әдебиеті, 10 сынып, сабақ жоспары. 1 сабақ.

Мектеп:

Күні:

Мұғалімнің аты-жөні:

Сынып: 10 Т1

Қатыспағандар:

Бөлімнің тақырыбы

Заман, дәуір тұлғасы Қ.Жұмаділов «Тағдыр» романы

Сабақтың тақырыбы

Жаңа сабақ

Осы сабақ арқылы жүзеге асатын оқу мақсаттары

10.1.1.1 - әдеби шығарманың сюжеттік-композициялық құрылысын талдау арқылы идеялық мазмұнын терең түсіну;

 Күтілетін нәтижелер

Оқушылардың бәрі:

• шығарманың мазмұнын түсінеді;

Оқушылардың көбі:

• шығарманың сюжеттік-композициялық құрылысын талдайды;

Оқушылардың кейбірі:

• көркем шығарманың сюжеттік құрылысына талдайды;
• идеялық мазмұнын терең түсінеді.

Бағалау критерийлері

• Әдеби шығарманың сюжеттік-композициялық құрылысын талдау арқылы идеялық мазмұнын терең түсінеді.

Тілдік мақсаттар

Пән лексикасы және терминология:

Сюжеттік-композициялық құрылысы:

оқиғаның басталуы, оқиғаның байланысы, оқиғаның шиеленісуі, оқиғаның шарықтау шегі, оқиғаның шешімі.

Диалог және жазылым үшін қажетті сөз тіркестер:

Шығыс Түркістан, Цин империясы, Демежан тілмаш,аймақ губернаторы, Қараүңгір өзені, Шәуешек

Мектеп құндылықтары

• Құрмет;
• Ашықтық;
• Өмір бойы білім алу;
• Еңбек және шығармашылық.

Осыған дейін меңгерілген білім

Тарих тағылымы тарауы

Жоспар

Жоспар бойынша орындалуы тиіс іс-әрекеттер

Сыныпты ұйымдастыру.

• Ой қозғау

Суреттерде кімдер бейнеленген?

Олар туралы не білесіңдер? Суреттерден қандай әсер алдыңдар?

Оқушылардың пікірлері тыңдалады. Өз ойын ерекше жеткізген оқушыны сынып бағалайды.

• Сабақтың мақсаты мен жетістік критерийлері таныстырылады.

Топтық жұмыс.

«Пазл әңгіме»

Топтарға шығарманың 1-тарауынан шағын үзінділер қиылып беріледі. Оқушылардан берілген үзінділерден шығарманың оқиға желісіне байланысты құрау сұралады. Құрастырған соң олардан өз жұмыстарымен жалпы сыныпқа немесе жылжымалы топтарда бөлісулері сұралады. Тараудың қорытынды бөлімін бермей, оқушылардың өздеріне аяқтауға мүмкіндік беруге болады.

• ҚБ
• Кері байланыс беру.

Т. «ДЖИГСО» әдісі

1-қадам: Төрт адамнан тұратын топта оқушылар шығарманың «Жол торабы» тарауының 1-4 бөлімдерін шолып оқып, белгілі уақыт аралығында оқушылар осы бөлімдерде не туралы айтылғаны туралы болжамдар, ойлар айтады.

Шығарманың осы бөлімдердің сюжеттік-композициялық құрылымын алдымен жұпта, сосын ұжымда талқылау арқылы анықтайды. Басқа топтағылармен бірігеді, олармен пікірлесіп, бір-біріне түсіндіреді.

2-қадам: Өздері оқып танысқан бөлімге сай топ мүшелерінің әрқайсысы тапсырмаларды бөліп алады.

Мысалы:

Шығарма оқиғасы жайлы 2 сұрақ құрастыру.(ашық, жабық)

Шығарма кейіпкерлерінің іс-әрекетінен 2 мысал келтіру.

Басты кейіпкерге 2 сөйлеммен мінездеме беру.

Композициялық құрылымды анықтау.

3-қадам: Оқушыларға көркем шығарманың алғашқы тарауының қалған бөлімдеріне шолу жасай отырып, жұбымен талқылайды.

Топта оқушылар шығарманың сюжеттік құрылымын талдайды:

Басталуы - романдағы кейіпкерлермен, оқиға өтетін жермен, сол кезеңді анықтайды.

Байланысы – оқиғаның болуына себепші болған ойды анықтайды.

Дамуы - шығармадағы негізгі оқиға қалай, қайдан өрбігенін анықтайды.

Шиеленісуі – қай жерде шиленісіп, ширыға түскенін анықтайды.

Шарықтау шегі – әбден шегіне жеткенін анықтайды.

Шешімі – немен аяқталды, шешімі қандай болғанын анықтайды.

Мұғалім оқушылармен кері байланыс орнатады.

Топтық бағалау.

• Тапсырма

Оқушылар өздері оқыған бөлім бойынша көтерілген негізгі мәселені анықтайды, сол арқылы шығарма идеясының себебін түсіндіріп жазады.

Рефлексия

Ең..... Ең.... Ең....