Қ.Жұмаділов «Тағдыр» романы. Қазақ әдебиеті, 10 сынып, презентация. 8 сабақ.

Оқу мақсаты:

10.3.3.1 - шығарманың идеясын жалпыадамзаттық құндылық тұрғысынан талдап, әдеби эссе жазу;

Тапсырма:

Берілген үзінділерде қандай астарлы ой берілген? Оны «жалпыадазматтық құндылықтар» ұғымымен қалай байланыстырар едіңіз.

– Бізге соның екеуінің де керегі жоқ. Ақ патша менің құдам, Еженхан менің нағашым дейсің бе? Тек жерімізге, елімізге тимей, тыныш қойса болғаны.

Жайлауымызды жапырып, қыстауымызды қиратып жатса да, үн шығармай, тұяқ серіппей, қол қусырып қарап отыруымыз керек пе?

Тышқандай ғана тірлігің бар, арыстанмен алысқанда не бітіресің.

Бибі: «Сол еркеңіз бұдан былай Ақ патшаның қызы, Еженханның келіні болып отырса, бұдан артық құдайдан не тілейсіз, жеңеше-ау?!» — деп желігіп отырған жұртты одан арман күлкіге қарық қылды.

Құрман қажы: «Адам іштен батыр болып тумайды, батырлықты заман, уақыт тудырады», — деді қонағының жүзіне қарап қойып.

Қазақта бұрын: қыз таңдау, күйеу таңдау, қоныс таңдау, жүйрік ат, қыран бүркіт таңдау дегендер болушы еді. Ал енді мемлекет таңдау, император, патша таңдау дәрежесіне көтерілгені осы-ақ шығар.

Жалпыадазаттық құндылықтар

«Бетпе-бет» әдісі

Оқушылар жұппен қарама-қарсы отырып, өздерінің жұмыстарын таныстырады. Мұғалімнің белгі беруімен жұптар ауысып отырады, бірнеше пікірді тыңдауға мүмкіндік беріледі.

Кері байланыс:

Сізге кімнің пікірі ұнады? Оның пікірінің ұтымдылығы неде?

Ж. Әдеби эссе жазу

«Тышқандай ғана тірлігің бар, арыстанмен алысқанда не бітіресің» деген тұжырым сол тарихи кезеңдегі қазақ халқына лайық баға ма? Өз ойыңызды дәлелдей отырып, әдеби эссе жазыңыз. (150-200 сөз)

Рефлексия:

5-5-1

Сабақта жасаған жұмысы бойынша өзін бағалайды.

5 сөйлем-5 сөз-1 сөз