Жәркен Бөдешұлы. «Жалғыз поэмасы». Қазақ әдебиеті, 10 сынып, сабақ жоспары. 5

Ұзақ мерзімді жоспар бөлімі: Қалың елім, қазағым

Мектеп:

Күні:

Мұғалімнің аты-жөні:

Сынып: 10 Қазақ әдебиеті

Қатысқандар саны:

Сабақ тақырыбы: Жәркен Бөдешұлы

Осы сабақта қол жеткізілетін оқу мақсаттары

10.1.4.1 - көркем шығармалардан алған үзінділерді шығармашылық жұмыстарда қолдану;

10.2.2.1- автор бейнесінің шығармадағы белгілі бір оқиғадағы көрінісін анықтау ;

Сабақ мақсаттары

Өлеңдегі үзінділерді шығармашылық жұмыста қолдану;

Үзінділерден автор бейнесін тауып, мінездеме беру;

Бағалау критерийлері

Үзіндіде көтерілген мәселені талдай отырып, авторға мінездеме береді;

Ұйқас формуласын сақтай отырып, үзіндідегі ойды жалғастыра алады;

Топта бірлікте жұмыс жасай алады;

Дескрипторлар

• топтық жұмысты бірлікте жасай алады;
• үзінділерді түсінеді, көтерілген мәселені анықтайды;
• автор мінездеме бере алады;
• ұйқас формуласын сақтайды:
• берілген тармақты одан әрі жалғастырады.

Тілдік мақсаттар

Троп, фигура, әңгіме, өлең, т.б.

 Құндылықтарды дарыту

Құрметтеу: оқушылардың топтық және өз бетімен жұмыс жасау дағдыларын жетілдіре отырып, бір-біріне құрметпен қарауға шақыру, білім алу.

Тәрбие: өлеңдегі ақыл-нақылдар арқылы оқушыларды жақсы өмірге шақыру;

Пәнаралық байланыстар

Философия

АКТ қолдану дағдылары

Интербелсенді тақта

Бастапқы білім

Көшпелі алтын

Сабақ барысы

Сабақтағы жоспарланған іс-әрекет

Ұйымдастыру кезеңдері.

Сәлемдесу. Түгендеу.

Оқушыларға сабақ тақырыбын болжату үшін мақал-мәтелдер беріледі.

Сол арқылы сабақ тақырыбын ашуға тырысады.

Жалғыздық туралы қазақтың мақал-мәтелдері.

Жалғыздың үні шықпас,

Жаяудың шаңы шықпас.

***

Жалғыз ағаш үй болмас,

Жалғыз жігіт би болмас.

***

Жалғыз жаңқа жанбайды,

Жалғыздың ісі оңбайды.

***

Жалғыз ағаш

Орман болмас,

Жалғыз кірпіш

Қорған болмас.

***

Жалғыздың жолы тар,

Жалшының қолы тар.

***

Жалғыз иттің

Үргені білінбес.

Жалғыз кісінің

Жүргені білінбес.

Мұғалім сабақ тақырыбы, оқу мақсаты, бағалау критерийлерімен таныстырады.

Оқушылар «Санамақ» әдісі (1-2-3-4) арқылы 4 топқа бөлінеді.

1-тапсырма.

«Жалғыз» поэмасынан берілген үзінділерді оқып шығып, ондағы мәселені анықтай отырып, автор бейнесін ашыңыздар. Автордың көтерген мәселесіне, ұстанған бағытына сүйене отырып оған мінездеме беріңіздер.

1-топ:

...Жоңғар құмын омбылап, Сары-Арқаға жеткенше –

Қияметтей жол жүрдім.

Өкпемді қарып ыстыққа, жүректі аяз тоңға ұрдым.

Адамша ерлік жасадым, бұралқы иттей болдырдым...

2-топ:

Жыр боп мәңгі жасарға, Абай жалғыз қашанда,

Абай жалғыз болғасын, Екеу емес Мағжан да.

Аспанды бұлт торлайды, жауынсыз жер сорлайды,

Абылай жалғыз болғасын, Бұхар екеу болмайды.

3-топ:

• Кім жалғыз бұл жалғанда?!
• Қара жер жалғыз қашанда.

Адамның жетпес ақылы қолдан оны жасарға...

4-топ:

Жалғыздықтан қорықпаймын, топқа, жікке бөлінген,

Құм төбедей өрілген, тобырлардан қорқамын.

Аш бөрідей бүкеңдеп, жортсам, жалғыз жортамын,

Тырналар ұшар тізіліп, бұлдырық ұшар топтанып,

Ал, құстардың тектісі – қырандар жалғыз самғайды,

Жер мен Көкті шарлайды....

Дескриптор:

- Топтық жұмысты бірлікте жасай алады;

- Үзінділерді түсінеді, көтерілген мәселені анықтайды;

- Автор мінездеме бере алады;

2-тапсырма.

Берілген тақырыпқа өлең шығарыңыздар. Бір оқушы бір тармақтан жазып отырып, топ болып 1,2 және соңғы тармақтың ұйқасын сақтау керек.

1-топ: Өмір жалғыз болғасын... 

2-топ: Бір қынаптың ішіне екі қылыш түнемес....

3-топ: Отан жалғыз, от жалғыз....

4-топ: Ортасына мені алып.....

Дескрипторлар:

- Топта бірлікте жұмыс жасай алады;

- Ұйқас формуласын сақтайды:

- Берілген тармақты одан әрі жалғастырады.

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?