Ұ. Есдәулет «Біз түркілерміз». Қазақ әдебиеті, 10 сынып, қосымша материал.

Оқу мақсаты:

10.1.5.1 - шығармадағы ұлттық құндылықтардың әлемдік тақырыптармен үндестігін ашу.

1-тапсырма. Ж.

https://www.youtube.com/watch?v=yrfVHDKQN0o

Берілген сілтеме арқылы Ұлықбек Есдәулеттің «Біз түркілерміз» өлеңінің аудио нұсқасын тыңдап, берілген кестені толтырыңыздар.

 Дескрипторлар:

• Өлең тақырыбын анықтайды;
• Көтерілген мәселені анықтайды;
• Ұлттық құндылықтарды анықтайды;
• Автор тіліне баға береді.

Оқу мақсаты:

10.1.3.1 - көркем шығармадағы кейіпкерлер жүйесін жинақтау мен даралау.

2-тапсырма. ТЖ

«Әдеби үйірме» әдісі. Әр топ мүшелері рөлдерге бөлінеді және «Біз түркілерміз» өлеңін оқып, рөлдері бойынша тапсырмаларды орындайды. Әр топтан рөлдер бойынша шақырылады, қалғандары толықтырады.

Баяндап беруші – оның міндеті өз көзқарасы тұрғысынан немесе өз ойына сүйене отырып, осы өлеңнің мазмұнын баяндау.

Зерттеуші – оның міндеті (мәтінге байланысты) басты кейіпкердің мінезін немесе басты оқиғаны жан-жақты меңгеру және сипаттау. Сондай-ақ бұл жаңа сөздерді меңгеру және суреттеу немесе өткен тапсырманың қалған бөлігі болуы мүмкін.

Сұрақтар құрастырушы – негізгі оқиғаларды қамтитын немесе өлеңнің жалпы мазмұны бойынша сұрақтар дайындайды. Бастысы, оқушылар сұрақ қоюдың өлшемдерін, төменгі және жоғары деңгейлердің бөлінуі туралы ескерсе болды.

Сілтемелер табушы – оның міндеті өлеңнің тақырыбын, руханилығын ашатын немесе құптайтын кез келген сілтемелерді – белгілі және аздап белгілі афоризмдер, мәтелдер табу.

Бейнелеуші-суреттеуші – оның міндеті өлеңдегі кейіпкерге немесе өлең мазмұны бойынша суреттеу.

Дәнекер – оның міндеті негізгі идеяларды немесе оқиғаларды бүгінгі өмірмен байланыстыру.

Дескрипторлар:

• Өлең мазмұнын талдайды;
• Рөл бойынша тапсырмаларды орындай алады;
• Өз ойларын еркін жеткізеді.