Ұлықбек Есдәулет «Біз түркілерміз» өлеңі. Қазақ әдебиеті, 10 сынып, дидактикалық материал.

Асхат Қылышбек

Біз қазақпыз

Біз қазақпыз

Жерұйықта жайлаған

Сол далада мың бір пұт мал айдаған

Біз қазақпыз

Ат үстінде ойнаған

Айтыс, терме, күймен тойын тойлаған

Қабақ шытса жауы шайқалған

Қонақ күтсе жаны жайнаған

Уәдесінен таймаған

Сырын жатқа жаймаған

Біз қазақпыз бастан бағы таймаған

Біз қазақпыз жауға қылыш сермеген

Батыр елміз ешбір дұшпан жеңбеген

Біз қазақпыз

Ешкім сөзін бөлмеген

Ақын елміз жалған сөйлеп көрмеген.

Ақ батамен ғана өрлеген

Ақ қымызға ғана шөлдеген

Елің дауға бермеген

Жерін жауға бермеген

Біз қазақпыз

Біздей болсың ел деген.

Ұлықбек Есдәулет

Біз - түркілерміз

Біз - түркілерміз...

Көк аспандай жарқылдап, күркірерміз,

Көк аспанның бұлтындай сілкінерміз,

Көк бөріден туғанымыз рас болса,

Көк тәңірден қуат ап, бір түлерміз.

Кеудемізді билеген асқақ арман,

Тарихымыз дастан боп таста қалған,

Тірсегіміз тілінген кездерде де

Жан жүректі жерім жоқ жасқа малған.

Жұтып қойған ғасырлар өктем үнін,

Айға қарап ұлыған көк бөрімін.

Атқа мінсем кетемін аруақтанып,

Арасында желік бар ет-терінің.

Атқа мінсем кетемін айбаттанып,

Қылыш көрсем кетемін қайраттанып.

Ғасырлардың бетіне қалқып шыққан,

Біздің халық - бұ да бір қаймақ халық!

Намысымдай ешкімге таптатпаған,

Түркістанның күмбезі асқақтаған.

Бабаларым жатыр ғой бата беріп,

Аруақтар аманатын ақтап бағам.

Көк тәңірден көңілге нұр тілерміз,

Көк аспандай әлі де күркірерміз.

Көк бөрілі көк байрақ көкке шықса,

Қай дұшпанның алдында іркілерміз?

Біз - түркілерміз!