А.Кемелбаева «Шашты» әңгімесіндегі автор бейнесі. Қазақ әдебиеті, 10 сынып, сабақ жоспары.

Ұзақ мерзімді жоспар бөлімі: Парасат пайымы

Мектеп:

Күні:

Мұғалімнің аты-жөні:

Сынып: 10

Қазақ әдебиеті

Қатысқандар саны: Қатыспағандар саны:

Сабақ тақырыбы: А.Кемелбаева «Шашты» әңгімесіндегі автор бейнесі

Осы сабақта қол жеткізілетін оқу мақсаттары (оқу бағдарламасына сілтеме)

10.2.2.1 - автор бейнесінің шығармадағы белгілі бір оқиғадағы көрінісін анықтау.

Сабақ мақсаттары

Шығармадағы автор бейнесіне талдау жасау, оқиғадағы негізгі көрінісін анықтау, өзіндік баға беру.

Бағалау критерийлері

Әңгімедегі автор бейнесін анықтайды, автор бейнесіне талдау жасайды, өзіндік пікірін білдіреді.

Тілдік мақсаттар

Автор бейнесі, образ, портрет, т.б.

Құндылықтарды дарыту

Топта өз ойларын қорғап, қазақ халқының бойындағы адамгершілік, бауырмалдық қасиеттерді бағалай білу

Пәнаралық байланыстар

Тарих, қазақ тілі, сөз өнері

АКТ қолдану дағдылары

Интербелсенді тақтамен жұмыс жасау дағдылары қалыптасады.

Бастапқы білім

Қаныш Сәтбаевтың өмір жолы

Сабақ барысы

Сабақтағы жоспарланған іс-әрекет

Оқушылармен амандасу.

Ынтымақтастық атмосферасын құру.

Өткен сабақты қайталау мақсатында түсініктеме кестесімен жұмыс жүргізіледі. Оқушылар сөздердің мағыналарын сәйкестендіреді. Жауаптарын тақтадағы дұрыс нұсқамен салыстырып, өз-өздерін бағалайды.

Сабақтың тақырыбы, ОМ, сабақ мақсаттары мен бағалау критерийлері таныстырылады.

Топқа бөліну.

Оқушылар әңгіме эпиграфындағы қанатты сөздер арқылы 4 топқа бөлінеді.

1-топ: Тұлпардың тұяғы / таптағанда даланы,

Аспан алты, / жер жеті / ойран-асыр болады. Фирдоуси

2-топ: В этом мире, / где счастье – пустая ложь,

Лишь одно / без обмана – хребет коня*. Сеитназар Сеиди

3-топ: Көшпенділер / – құм тәңірлері*. Али Акташ

4-топ: Бабалар біздің / шежіре жазып қалдырған. Қасымхан Бегман

1-тапсырма. Топтық жұмыс. Оқушылар жазушының «Шашты» әңгімесін жазу мақсатын талқылайды. Оқушылар жазушының бұл шығарманы жазу себебін ескере отырып, «FILA» кестесін толырады. Әр топқа FILA-ның әр бөлігі жеке-жеке бөлініп беріледі. Топ құрамында төрт-бес адам болады. Әрқайсысы тапсырма түрлерін бөліп алады, қорытындысында әр топ жеке жазған жұмыстарын біріктіріп, кестені толтырады (кестеге апарып жапсырған тиімді). Оқылып талданады.

F/ Дерек/ – шығармадан кейіпкер бейнесін ашатын деректер жинау;

I /Пікір/– кейіпкер туралы топтың/ өзінің ой- пікірі;

L /Сұрақ/– кейіпкер тұлғасын ашатын сұрақтар;

A /Іс-әрекет/– автордың кейіпкерді суреттеудегі қолданған тәсілі

Дескрипторлар:

• Кейіпкер бейнесін ашатын деректерді табады;
• Кейіпкер туралы ой-пікірін білдіреді;
• Кейіпкер тұлғасын ашатын сұрақ түрлерін құрастыра алады;
• Автордың шығармашылық тәсілдемесіне талдау жасай алады.

Бағалау: топтардың өзін-өзі жетістік сатысы бойынша бағалауы жүзеге асырылады.

2-тапсырма. «Оқырман пікірі» стратегиясы. Жеке жұмыс.

Шығармада көтерілген басты мәселені оқырманның көзқарасы жағынан біліп алу немесе пікірін білу. Ал мәтінді оқып болған соң, соған өз ойын білдіру. Талқылауға арналған сұрақтар мына үлгіде болады.

1.Мәтін мағынасына қойылатын сұрақтар:

Сіздің ойыңызда не сақталып қалды? Оқып отырғанда не туралы ойладыңыз? Шығарма оқиғасындағы ең маңызды мәселе қандай ? Осы шығармада қандай сұраққа жауап жоқ?

2.Шығарманың тақырыбына байланысты қойылатын сұрақтар:

Егер сіз осы шығарманы қайта жазатын болсаңыз нені өзгертер едіңіз?

Бұл шығарма ерекше ме? Неге?

3.Автор стиліне байланысты қойылатын сұрақтар:

Автор оқырманды қалай қызықтырды?

Өз идеясын автор қалай дамытады?

Маңызды ақпаратты автор қалай берген?

Дескрипторлар:

- ақпараттарды өз бетінше меңгергенін көрсетеді;

- сөз астарын, құдіретін түсінеді;

- мәселеге қатысты ойын, пікірін еркін білдіреді;

- автор стиліне баға бере алады.

Бағалау. «Екі жұлдыз, бір тілек» әдісі арқылы оқушылар бірін-бірін бағалайды, ұсыныстарын білдіреді.

Кері байланыс. «Серпілген сауал» әдісі бойынша оқушылар сабақ соңында кері байланыс береді.

• Бүгінгі сабақтан қандай әсер алдың?
• Сабақ ұнады ма? Несімен ұнады?
• Өзіңе қандай тәлім-тәрбие алдың?
• Сабақта мақсатымызға жеттік пе?

Үй тапсырмасы. Әңгімедегі өзіңе ұнаған кейіпкерге хат жазу.

Саралау – оқушыларға қалай көбірек қолдау көрсетуді жоспарлайсыз?

Қабілеті жоғары оқушыларға қандай міндет қоюды жоспарлап отырсыз?

Денсаулық және қауіпсіздік техникасының сақталуы

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?