Абай Құнанбаев «Сабырсыз, арсыз, еріншек», «Болыс болдым, мінеки», «Адасқанның алды жөн, арты-соқпақ». Қазақ әдебиеті, 10 сынып, сабақ жоспары. 4-сабақ.

«Келісілді»

Әдістемелік бірлестік жетекшісі:

Мектеп:

Күні:

Сынып: Қатысқандар саны: Қатыспағандар саны:

Бөлім: Өлең – сөздің патшасы

Сабақтың тақырыбы

Абай Құнанбаев «Сабырсыз, арсыз, еріншек», «Болыс болдым, мінеки», «Адасқанның алды жөн, арты-соқпақ»

Оқу мақсаттары

10.3.4.1 Шығарманы идеялық жағынан мазмұндас туындылармен салыстыра отырып, әдеби сын жазу

10.2.5.1 Әлем және қазақ әдебиетіндегі құндылықтардың үндесуін талдап, өзіндік ой қорыту

 Сабақтың мақсаты

«Сабырсыз, арсыз, еріншек», «Болыс болдым, мінеки», «Адасқанның алды жөн, арты-соқпақ» өлеңдерін талдай отырып, мазмұндас өлеңмен салыстырып, әдеби сын жазады, өлеңде кездесетін құндылықтар мен қазақ әдебиетіндегі құндылықтардың үндесуін талдайды.

 Бағалау критерийлері

• Шығармадағы авторлық идеяны айқындайды;
• Шығарманы идеялық жағынан мазмұндас туындымен салыстырады;
• Әдеби сын жазады;
• Өлеңде кездесетін құндылықтар мен қазақ әдебиетіндегі құндылықтардың үндесуін талдайды.

 Тілдік мақсаттар

Пәнге тән лексика және терминология:

Әдеби сын, сюжеттік талдау, авторлық идея,өмір шындығы,

 Пәнаралық байланыс

Әдебиет теориясы, қазақ тілі

 Алдыңғы білім

Абай Құнанбаевтың өмірі мен шығармашылығы, Абай өлеңдерін қайталау

Сабақ барысы

Сабақтағы жоспарланған іс-шаралар

Ой шақыру. КІМ ТАПҚЫР? Сынып оқушыларына Абай өлеңдерінің әрбір тұсынан үзінділер оқылады. Оқушылар қай өлең екенін табу керек.

• Мал мен бақтың дұшпаны,

Кеселді пысық көбейді...? (Сабырсыз, арсыз, еріншек!

• Жақсы ат пен тату жолдас – бір ғанибет,

Ыңғайлы ықшам киім аңшы адамға... ? (Қансонарда бүркітші шығалы аңға)

• Көкірегі сезімді, тілі орамды,

Жаздым үлгі жастарға бермек үшін... ? (Мен жазбаймын өлеңді ермек үшін)

• Дүние де өзі, мал да өзі,

Ғылымға көңіл берсеңіз...? (Ғылым таппай мақтанба)

• Жан-жануар, адамзат анталаса,

Ата-анадай елжірер күннің көзі...? (Жазғытұры)

• Тілге жеңіл, жүрекке жылы тиіп,

Теп-тегіс жұмыр келсін айналасы...? (Өлең - сөздің патшасы, сөз - сарасы)

• Жақсы менен жаманды айырмадың,

Бірі қан, бірі май боп енді екі ұртың...? (Қалың елім, қазақғым, қайран жұртым)

Сынып оқушыларын төмендегі үзінділер арқылы 3 топқа бөлу:

1 –топ: Сабырсыз, арсыз, еріншек

2-топ: Болыс болдым, мінеки

3-топ: Адасқанның – алды жөн

Оқушыларға сабақтың мақсатын, бағалау критерийлерін, күтілетін нәтижені түсіндіріледі

Әр топқа өз үзінділері таратылады. (таратпа материалда өлең үзінділері бөлініп көрсетілген)

1 тапсырма.

Топта оқушыларға 3 өлең ұсынылады. Оқушылар өлеңдердің ұқсастығы мен айырмашылығына тоқталуы керек.

2 тапсырма. Әр топ 3 өлеңді байланыстыра отыра, әдеби сын жазады. (постер ұсынылады) әр топ бір-бірінің сындарын тыңдап, бағалайды.

Б. Кері байланыс бере отырып, топ арасында төмендегі бағалау кестесі арқылы бір-бірін бағалайды:

3 –тапсырма. «Фишбоун» əдісі. Оқушыларға балық қаңқасын ұсынып, өлеңнен проблеманы анықтау, себептерін табу,

дəлелдеу, құндылықтарды табу, салыстыру. қорытынды жасауды тапсырады.

Оқушылар балық қаңқасына қара сөзден проблеманы,

себептерін анықтап, дəлелдерін келтіреді, құндылықтарды саралайды, қорытынды жасайды.

Дескриптор:

• Өлеңде кездесетін құндылықтар мен қазақ әдебиетіндегі құндылықтардың үндесуін талдайды.

Әр топ өз жұмыстарын ортада қорғайды. «Екі жұлдыз, бір тілек» арқылы бір-бірін бағалайды

Оқушылардың рефлексиясы, кері байланыс.

Оқушылар үшін рефлексия сұрақтары:

Не білдім?

Неге үйрендім?

Не түсініксіз болды?

Нені жақсартуым керек?

Абай өлеңдерін қайталау.

Сабақ бойынша рефлексия

Сабаққа рефлексия жасау кезінде берілген сұрақтарға жауап беруге тырысыңыз. Сұрақтың құрылымын жабасаңыз болады.

• Оқушылардың барлығы оқу мақсатына жетті ме? Жетпесе, неліктен?
• Қолданылған дифференциация сабақтың мақсатына жетуге қалай ықпал етті?
• Сабақ кезеңдері уақытқа сай жүзеге асты ма?
• Сабақ жоспарында қандай ауытқулар болды? Неліктен?
• Сабақты жақсартуда не ықпал етер еді (оқыту мен оқу туралы ойланыңыз)?