Абай Құнанбаев «Масғұт» поэмасы. Қазақ әдебиеті, 10 сынып, презентация. 3-сабақ.

Берілген тұжырым мен сурет аясында сабақтың тақырыбына болжам жаса.

Әйел заты ер адамның жан досы, көмекшісі, кеңесшісі, шабыт сыйлаушысы.

1-тапсырма. Берілген сұрақтың аясында поэмаға интерпретация жаса.

Ақын бұл шығарма арқылы не айтқысы келді?

 Интерпретациялауға арналған негізгі ақпараттар:

Шығарманың авторы және атауы. Жазылу тарихы, прототиптерді және тармақтардың кімге арналғанын айтып өту қажет.

Туынды қандай жанрда, қандай бағытта жазылған?

Тақырыбы мен идеясы.

Сюжеттің негізгі оқиғасы, жанжалдың дамуы.

Мәтіндегі көркем бейнелер.

Әдеби әдістер - кейіптеу, салыстыру, әсірелеу, т.б.

Жанр мен поэманың ерекшеліктері.

Ақын шығармашылығындағы туындының рөлі.

Поэмаға жеке пікір.

2-тапсырма. Автор поэмадағы ер мен әйел теңдігін қалай суреттеген? Оқушылар осы сұрақтың жауабы болар үзіндіні оқиды, өзіндік талдауларын сыныпқа ұсынады.

«Автор орындығы» әдісі қолданылады.

Бағалау. «Екі жұлдыз, бір ұсыныс»

Дескриптор:

сұрақтың аясында жауап іздейді;

қажетті үзіндіні тауып, өзіндік талдау жасайды.

3-тапсырма. Оқушылар автор бейнесінің шығармадағы белгілі бір оқиғадағы көрінісін анықтайды.

«Т кестесі» әдісі қолданылады.

Бағалау. «Блоб ағашы»

Дескриптор:

шығармадағы автор бейнесін табады;

автордың белгілі бір оқиғадағы көрінісін анықтайды.

Кері байланыс

«5 саусақ» әдісі

Бас бармақ – мен үшін маңызды және қызық.

Балан үйрек – маған түсініксіз болды.

Ортан терек – маған жеткілікті болмады.

Шылдыр шүмек – менің көңіл күйім.

Кішкене бөбек – менің ұсынысым.